ازاماتتار كەز كەلگەن نورماعا قارسى بولسا، كونستيتۋتسيالىق سوتقا جۇگىنەتىن بولادى - سەنات ءتوراعاسى
سەناتتىڭ جۇمىسىن قالاي جانداندىراتىنىن ءتۇسىندىردى، دەپ حابارلايدى قازاقپارات ءتىلشىسى.
«كونستيتۋتسيالىق رەفورمانىڭ اياسىندا مەملەكەت پەن قوعامنىڭ اراسىنداعى قارىم-قاتىناستىڭ جاڭا كەزەڭى اشىلىپ جاتىر دەپ ايتساق ارتىق بولمايدى. مىسالى، ناقتى نورمالاردى ايتايىق. بۇگىندە ازاماتتار مەملەكەتتىك ورگانداردىڭ بۇيرىقتارىنا نەمەسە زاڭ نورمالارىنا، مەملەكەتتىڭ ناقتى ءبىر شەشىمدەرىنە نارازى بولسا، ول نورمالار مۇددەمىزگە قايشى كەلەدى دەگەن پىكىر تۋىنداپ جاتسا، جالپى وتىنىشتەر سياقتى سوتقا بەرۋ كەرەك. ياعني، پروتسەدۋراسى ۇزاق. قازىر وسى رەفورمالاردىڭ اياسىندا كونستيتۋتسيالىق سوت قۇرىلىپ جاتىر»، - دەدى سەنات ءتوراعاسى.
سەنات سپيكەرىنىڭ ايتۋىنشا، جالپى ۇسىنىلىپ وتىرعان كونستيتۋتسيالىق رەفورما حالىق پەن بيلىك اراسىنداعى قارىم-قاتىناستىڭ جاڭا فورماتىنا جول اشپاق.
«كونستيتۋتسيالىق سوتتىڭ نەگىزگى فۋنكتسياسى ازاماتتاردىڭ بيلىك وكىلدەرىنىڭ شەشىمدەرىنە نارازىلىعىنا سوت رەتىندە باعاسىن بەرۋ، شەشىم قابىلداۋ. وسىنداي باسقا دا كوپتەگەن نورمالار بار»، - دەدى ماۋلەن اشىمبايەۆ.
ايتا كەتەيىك، بۇگىن «ەۆرازيا» ارناسىندا ساعات 10:00 دە، «حابار» - 12:45 تە، «Qazaqstan» - 16:05 تە، «Qazaq TV» - 20:15 تە، «الماتى» - 20:35 تە رەفەرەندۋم تۋرالى دەرەكتى فيلم كورسەتىلىپ جاتىر.