ق ر ساۋدا جانە ينتەگراتسيا مينيسترلىگى باسپا ءسوز قىزمەتىنىڭ حابارلاۋىنشا، كەزدەسۋ بارىسىندا 2022 -جىلعى 16- اقپاندا الماتى قالاسىندا وتكەن قازاقستان رەسپۋبليكاسى مەن قىرعىز رەسپۋبليكاسى اراسىنداعى ساۋدا- ەكونوميكالىق ىنتىماقتاستىق جونىندەگى جۇمىس توبىنىڭ ءبىرىنشى وتىرىسىنىڭ حاتتاماسىن ورىنداۋ، اتاپ ايتقاندا، ءوزارا جۇك تاسىمالى، ونىڭ ىشىندە قىرعىز رەسپۋبليكاسىنىڭ اۋماعىنان قازاقستان رەسپۋبليكاسىنا، رەسەي فەدەراتسياسىنا جىبەرىلەتىن جانە كەرى باعىتتاعى جۇك اۆتوكولىك قۇرالدارىنىڭ ءوتۋى تۋرالى ماسەلەلەر تالقىلاندى.
كەزدەسۋ قورىتىندىسى بويىنشا تاراپتار ەكى ەل شەكاراسىندا جۇك اۆتوكولىك قۇرالدارىنىڭ جينالۋىنا جول بەرمەۋ، ەسەپكە الىنباعان تاۋارلاردى اكەلۋگە جانە اكەتۋگە جول بەرمەۋ بويىنشا بىرلەسكەن شارالار قابىلداۋ، سونداي- اق ەلەكتروندىق شوت- فاكتۋرالار بولماعان جاعدايدا اۆتوكولىك قۇرالدارىن قىرعىز رەسپۋبليكاسىنىڭ اۋماعىنا قايتارۋ تۋرالى ءبىرقاتار ۋاعدالاستىقتارعا قول جەتكىزدى.
«سونىمەن قاتار، ءوزارا جۇك تاسىمالدارى سالاسىندا تۋىندايتىن پروبلەمالاردى مونيتورينگىلەۋ جانە جەدەل شەشۋ ماقساتىندا اي سايىنعى نەگىزدە وسىنداي كەلىسسوزدەر جۇرگىزۋ تۋرالى شەشىم قابىلداندى»، - دەلىنگەن حابارلامادا.