بولاشاق باعدارلاماسىنىڭ ستۋدەنتتەرى ەلگە ورالادى
بۇل تۋرالى ءبىلىم جانە عىلىم ءمينيسترى اسحات ايماعانبەتوۆ مالىمدەدى .
ونىڭ ايتۋىنشا، بۇگىندە الەمنىڭ 18 ەلىندە قازاقستاننىڭ 857 ازاماتى ءبىلىم الادى . ولاردىڭ 19 ى قاۋىپ دەڭگەيى 1-ساناتتاعى ەلدەردە ءجۇر .
«كورونوۆيرۋسقا بايلانىستى شەل ەلدەردەگى ۋنيۆەرسيتتەردىڭ كوبى قاشىقتىقتان وقۋ جۇيەسىنە كوشىپ جاتىر . سوندىقتان ستۋدەنتتەرىمىزدىڭ كەيبىرى ەلگە قايتادى . بۇل جەردە ولاردىڭ كەلۋ جانە كەتۋ جول اقىسى جانە ستەپەنديانى ساقتاۋ ماسەلەسى بار . ءبىز نورماتيۆتى - قۇقىقتىق قۇجاتتارعا وزگەرىس ەنگىزىپ، ماسەلەنى شەشتىك»، - دەيدى مينيستر .
مۇنىڭ الدىندا مينيستر ۇ ب ت مەن وقۋشىلاردىڭ وقۋىن جازعا قالدىرۋعا قاتىستى پىكىر بىلدىرگەن بولاتىن. «ۇ ب ت تۋرالى ايتاتىن بولساق . سىزدەر بۇگىندە ۇ ب ت جىلىنا ءتورت رەت ءوتىپ جۇرگەنىن بىلەسىزدەر، كەلەسى ۇ ب ت ناۋرىز ايىنىڭ سوڭىندا اقىلى تۇردە ءوتۋى كەرەك بولاتىن . ءبىراق ءبىز ەندى ۇ ب ت - نى كەيىنگە قالدىرا تۇرۋدى شەشتىك . جازدا وتەتىن ۇ ب ت تۋرالى ايتاتىن بولساق، ول كەزگە قاراي بارلىعى ناقتى بەلگىلى بولادى دەپ ويلايمىز، ياعني ەلدەگى ەپيدەميولوگيالىق جاعداي جايىندا»، - دەگەن ەدى مينيستر.