مەكتەپ ديرەكتورلارىنىڭ جالاقىسى مۇعالىمدەردەن تومەن - مينيستر

نۇر-سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ مەكتەپ ديرەكتورلارىنىڭ جالاقىسى كوتەرىلەتىنىن ءمالىم ەتتى، دەپ حابارلايدى قازاقپارات ءتىلشىسى.

«قازىر مەكتەپ ديرەكتورلارىنىڭ جالاقىسى كەيبىر مۇعالىمدەردەن دە تومەن. ويتكەنى، پەداگوگتار ءوز ساناتتارىن كوتەرۋ ارقىلى ۇستەمەاقىلار الادى. سوندىقتان، كوپتەگەن ديرەكتورلىق ۆاكانسيالار بوس تۇر. ءبىر مەكتەپتە 200 بالا وقىسا، كەي مەكتەپتە 1200 بالا ءبىلىم الادى. ءوز جۇمىسىن ءتيىمدى اتقاراتىن ديرەكتورلار بار جانە كەرىسىنشە. سوندىقتان، مەكتەپ ديرەكتورلارىنا، مەڭگەرۋشىلەرگە، ادىسكەرلەرگە قولداۋ كورسەتۋ قاجەت. ءبىلىم جانە عىلىم مينيسترلىگى بۇل ماسەلەنى ۇستەمەاقى جولىمەن شەشۋدى قاراستىرىپ جاتىر»، - دەدى مينيستر بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ونىڭ ايتۋىنشا، جالاقىنى كوتەرۋ كولەمى ديففەرەنتسيالدى جانە ەڭبەك ءوتىلى مەن ساناتقا تىكەلەي بايلانىستى بولادى. ءبىرىنشى سانات ءۇشىن ەڭبەكاقىنى 0 دەيىن كوتەرۋ جوسپارلانىپ وتىر.