«مەملەكەت باسشىسى رەتىندە قاسىم-جومارت توقايەۆتىڭ بانكتەن نەسيە الىپ، قارىزعا باتقان ازاماتتارىمىزدىڭ جاعدايىنا بەي-جاي قاراي المايتىنىنا كوز جەتكىزدىك. پرەزيدەنتتىڭ جارلىققا قول قويۋىنىڭ ماقساتى- قيىن جاعدايعا تاپ بولعان ازاماتتارعا كومەكتەسۋ، ولارعا وزدەرىنىڭ وتباسىلارىنىڭ قارجىلىق احۋالىن ايتارلىقتاي جاقسارتۋعا مۇمكىندىك بەرۋ. راسىندا دا، بۇگىنگى كۇنى كوپ ادامداردىڭ باسىندا ءبىر ەمەس، بىرنەشە نەسيەدەن بار. ارينە، ادامدار ەرىككەننەن نەسيە المايدى، بارلىعى كۇنكورىستىڭ قامى. كۇنكورىس. كۇنكورىس دەپ جۇرگەندە قالاي قارىزعا باتقانىن بىلمەي قالادى. سودان وتباسىنىڭ بەرەكەسى كەتىپ، ءتىپتى كەيبىرىنىڭ شاڭىراقتارى ورتاسىنا ءتۇسىپ جاتقانى جاسىرىن ەمەس. ءوز باسىم تالاي ادامنىڭ بانككە نەسيە تولەي الماي بانكتەن باس ساۋعالاپ جۇرگەنىن كورگەنمىن. ءتىپتى، كەيبىرىنە وسىنداي پروبلەمادان كەيىن بانكتەر ەكىنشى رەت ەسىگىنەن دە سىعالاتپايدى. بۇل اسىرەسە، الەۋمەتتىك جاعىنان از قامتىلعان، تۇرمىسى تومەن جانە كوپبالالى وتباسىلاردا ءجيى كەزدەسەتىن جاعداي. سونى تۇسىنگەن قاسىم- جومارت توقايەۆ الەۋمەتتىك كومەك كورسەتۋ تۋرالى وتە دۇرىس شەشىم قابىلداپ وتىر. بۇل بىزدەردى ەرەكشە قۋانتىپ وتىر»، - دەيدى جاس وتاعاسى.
رومان چەپ 2013 -جىلى بالالار ۇيىنەن ۇلكەن ومىرگە جولداما العان ەكەن. بۇگىندە ءوزى ەكى بالانىڭ اكەسى. وسىعان دەيىن ونىڭ دا باسىندا بىرنەشە نەسيە بولىپتى. جاقىندا مەملەكەتتىك باعدارلامانىڭ كومەگى ارقاسىندا جاڭا پاتەرگە قول جەتكىزگەن. ونىڭ الەۋمەتتىك كومەك تۇرعىسىنداعى مەملەكەت ساياساتىنا دەگەن ريزاشىلىعىن مول.
«وسىعان دەيىن باسپانا جالداپ جۇرگەن كەزىمدە مەنىڭ دە باسىمدا بىرنەشە نەسيە بولدى. ازعانا ايلىعىڭ پاتەر جالداۋعا كەتسە، ىشەتىن تاماعىڭ مەن كيىمىڭدى نەسيەگە الاسىڭ. ودان باسقا امال جوق. قازاقتا اتالى ءسوز بار عوي، «ءۇيى جوقتىڭ كۇي جوق» دەگەن. بۇگىنگى كۇنى باسپاناسىز جۇرگەن كەز- كەلگەن وتباسىنىڭ جاعدايى وسىنداي. جاقىندا مەملەكەتتىك باعدارلامانىڭ كومەگىمەن كوكشەتاۋ قالاسىنىڭ سارىارقا شاعىناۋدانىندا جاڭادان سالىنعان تۇرعىن ۇيدەن ەكى بولمەلى پاتەر الدىم. مۇنى مەن مەملەكەتتىڭ قازاقستاندىقتاردى الەۋمەتتىك تۇرعىدا قولداۋ ءۇشىن جاساپ جاتقان شارالاردىڭ ناتيجەسى دەپ بىلەمىن. تۇرمىسىمىز جاقسارىپ، ءال- اۋقاتىمىزدىڭ ارتۋىنا مەملەكەت عانا ەمەس، وزىمىزدە اتسالسۋىمىز كەرەك»، دەيدى ول.
ەسكە سالا كەتەيىك، كەشە ق ر پرەزيدەنتى قاسىم-جومارت توقايەۆ «قازاقستان رەسپۋبليكاسى ازاماتتارىنىڭ قارىز جۇكتەمەسىن ازايتۋ تۋرالى» جارلىققا قول قويعان بولاتىن.