ءماجىلىس شەكارا ماڭىندا تۇراتىن قازاقستاندىقتار ءۇشىن ماڭىزدى قۇجاتتى ماقۇلدادى
ەكى ەل اراسىنداعى شەكارا 7500 شاقىرىمنان اسادى جانە الەمدەگى ەڭ ۇزىن شەكارا بولىپ سانالادى. قازىرگى ۋاقىتتا قازاقستان- رەسەي شەكاراسىندا 51 وتكىزۋ بەكەتى بار. ولاردىڭ 30 ى اۆتوكولىك، 20 سى تەمىرجول جانە تاعى بىرەۋى وزەن ارقىلى ىسكە اسىرىلادى. سونىمەن بىرگە، شەكارا ماڭىنداعى تۇرعىندارعا ارنالعان 86 وتكىزۋ بەكەتتەرى جۇمىس اتقارۋدا.
حاتتامامەن كەلىسىمنىڭ 3-قوسىمشاسىندا كورسەتىلگەن شەكارا ماڭىنداعى اۋماقتاردا تۇراتىن قازاقستان مەن رەسەي ازاماتتارىنىڭ شەكارانى كەسىپ ءوتۋى ءۇشىن جارامدى قۇجاتتار تىزبەسىنە وزگەرىستەر ەنگىزىلىپ وتىر.
«قازاقستاننىڭ ىشكى زاڭناماسىندا ازاماتتاردى تىركەۋ كىتابىنىڭ كۇشىن جويۋىنا جانە مەكەنجاي انىقتاماسىنىڭ ەنگىزۋىنە وراي اتالعان كەلىسىمگە ءتيىستى وزگەرىستەر ەنگىزۋ قاجەتتىگى تۋىندادى. بۇل وزگەرىستەر 2018 -جىلى 9 -قاراشادا پەتروپاۆلدا 15- ءوڭىرارالىق ىنتىماقتاستىق فورۋمىندا قول قويىلعان حاتتامامەن ەنگىزىلدى. قازىرگى ۋاقىتتا اۋىلدىق اۋماقتاردىڭ بارلىق اكىمدەرىندە ينتەرنەت جەلىسىن قولدانۋ ارقىلى مەكەنجاي كۋالىگىن بەرەتىن مۇمكىندىگى بار. وسىعان بايلانىستى بۇل حاتتامانى قابىلداۋ قازاقستان- رەسەي مەملەكەتتىك شەكاراسىنىڭ ماڭىنداعى اۋماقتارىندا تۇراتىن قازاقستان ازاماتتارىنىڭ ءوتۋ ۇدەرىسىن جەڭىلدەتۋگە جانە تارتىپكە كەلتىرۋگە مۇمكىندىك بەرەدى»، - دەدى ق ر سىرتقى ىستەر ءمينيسترى بەيبىت اتامقۇلوۆ.
سونىمەن بىرگە، رەسەيدىڭ سىرتقى ىستەر مينيسترلىگىنىڭ 2019 -جىلى 12 -ساۋىردە جولداعان نوتاسىندا ر ف تاراپى حاتتامانىڭ كۇشىنە ەنۋى ءۇشىن قاجەتتى مەملەكەتىشىلىك راسىمدەر اياقتالعانىن حابارلادى.