كاسىپقوي بوكسشى اشكەيەۆ كەلەسى ايقاسىن ا ق ش- تا وتكىزەدى
بۇل تۋرالى ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا حابارلاندى.
BoxRec.com سايتىنىڭ اقپاراتىنشا، ونىڭ قارسىلاسى 34 جاستاعى امەريكالىق سەسيل ماككاللا (21-3، 8 ك و). ءبىرىنشى ورتا سالماقتاعى ايقاس ون راۋندقا ەسەپتەلگەن. بوكس كەشى قازاقستان ۋاقىتى بويىنشا 24- مامىر كۇنى تاڭەرتەڭ باستالادى.
30 جاستاعى اشكەيەۆ سوڭعى رەت رينگكە بيىلعى 11- قاڭتاردا شىققان بولاتىن. سانتا ينەستە (ا ق ش، كاليفورنيا شتاتى) وتكەن كەزدەسۋدە قازاقستاندىق سپورتشى تورەشىلەردىڭ ءبىراۋىزدى شەشىمىمەن پۋەرتو-ريكو وكىلى لۋيس ەرناندەستى (16-8، 9 ك و) جەڭدى.
ايتا كەتەيىك، اشكەيەۆتىڭ كاسىپقوي رينگتەگى ىستەرىن تانىمال مەنەدجەر ەگيس كليماس جۇرگىزەدى. جۋىق ۋاقىتتان بەرگى باپكەرى - تاجىريبەلى تالىمگەر دجەيمس «باددي» ماكگيرت.
بۇعان دەيىن تاعى ءبىر كاسىپقوي بوكسشىمىز - 24 جاستاعى نۇرتاس اجبەنوۆتىڭ (4-0، 1 ك و) كەلەسى قارسىلاسى انىقتالعانىن حابارلاعان بولاتىنبىز.
انگليانىڭ نيۋكاسل قالاسىندا ورنالاسقان Eagles Community ارەناسىندا 3- مامىر كۇنى وتەتىن ايقاستى اجبەنوۆ 20 جاستاعى رەسەيلىك بوريس شيكۋنوۆپەن وتكىزەدى. جارتىلاي ورتا سالماقتاعى جەكپە-جەك التى راۋندقا ەسەپتەلگەن.