«قازاقپارات» ءتىلشىسى بۇل قىزمەت ءتۇرى قازىرگى كەزدە قانشا تۇراتىنىن جانە وعان نەلەر كىرەتىنىن انىقتادى.
بۇگىندە قالا ىشىندە كولىكتى قىزدىرىپ، وتالدىرىپ بەرەتىندەر قىزمەتى ءۇشىن 8 مىڭنان 10 مىڭ تەڭگەگە دەيىن سۇرايدى.
بۇل سومانىڭ ىشىندە كەلەسى قىزمەت تۇرلەرى كىرەدى، ايتالىق: موتوردى قۇرىلعىمەن جىلىتۋ، وتالدىرۋ بىلتەلەرىن قىزدىرۋ، كومپيۋتەرلىك دياگنوستيكا، بەنزين سورعىسىنىڭ قىسىمىن تەكسەرۋ، قوزعالتقىش كومپرەسسياسىن كوتەرۋ جانە تۇيتكىلدى انىقتايتىن مەحانيكتىڭ قىزمەتى.
ەگەر كولىگىڭىز مۇلدەم وتالماي قويسا، جوندەۋ ورتالىعىنا بولماسا ۇيگە شەيىن جەتكىزىپ بەرەتىن ەۆاكۋاتور قىزمەتىنە دە سونشالىقتى اقشا جۇمساۋعا تۋرا كەلەدى. ال ەگەر كولىك قالادان قاشىق جولدا توقتاپ قالسا، جۇرىلەتىن ءبىر شاقىرىم ءۇشىن 300-350 تەڭگەگە دەيىن سۇرالادى.
سونىمەن قاتار، كوپتەگەن ەۆاكۋاتور جۇرگىزۋشىلەرى قاتتى ايازدا كۇرە جولدارداعى قوزعالىس جابىلىپ قالاتىندىقتان جولدا تۇرىپ قالعان اۆتوموبيلگە تەك قۇتقارۋ قىزمەتى كومەككە كەلە الاتىنىن اتاپ ءوتتى.
اۆتور: ازامات سىزدىقبايەۆ