پروديۋسەر كويلەك- كونشەگىن جارتى باعاسىنا ساتپاق.
«قۇرمەتتى وقىرماندارىم! الدىڭعى پوستىمدى جاقسىلاپ وقىپ شىقساڭىزدار، كيىمدەرىمدى مۇقتاج جاندارعا كومەك ءۇشىن %50 پايىز جەڭىلدىكپەن ساتىلىمعا قويدىم. سەبەبى: مىنا اڭگىمەنى ەسىتىپ ۇيقىمنان ايرىلدىم. بۇل كەلىنشەك تاراز قالاسىندا تۇرادى، كۇيەۋى ىشكىلىككە ودان دا زورىنا سالىنىپ كەتكەن. سۋرەتتى جىلجىتىپ قاراساڭىزدار كورەسىزدەر. قىستىڭ قاقاعان ايازىندا ەسىگى جوق، كلەنكا قاعىپ قويعان، پولى سەمەنت جالدامالى جەر ءۇيدىڭ ءبىر عانا بولمەسىندە، 10 مىڭ تەڭگە تولەپ تۇرادى ەكەن. جالدامالى ءۇيىنىڭ يەسىنىڭ ءوزىنىڭ ەسىك سالىپ بەرۋىنە جاعدايى ءماز ەمەس، وسى اقشامەن وتباسىن باعىپ وتىرعان كورىنەدى. ءوزىنىڭ الاتىنى 16 مىڭ تەڭگە. تەك نان الۋعا اقشاسى ارەڭ جەتەدى ەكەن. سۇيەكتەرى ىدىرايىپ، دەنەسىندە ەت قالماي سۇيەگىنە جابىسىپ قالعان اشتىقتان. قولىندا 6 ايلىق بالاسىمەن 6 جاستاعى قىزى بار، سەمەنتتىڭ ۇستىنە ءبىر كىلەمشەمەن كورپەشە توسەپ مۇزداي جەردە بالالارىنىڭ بەتىنە قاراپ وتىرادى ەكەن. نە ۇيالى تەلەفونى جوق، اناۋ تۇرعان تەلەۆيزور جۇمىس جاسامايدى. قىزى تەك نان جەيمىز ءبولىسىپ دەپتى. 6 ايلىق بالاسىن 6 جاستاعى قىزىنا تاستاپ مونشاعا دا بارا المايدى ەكەن. وسى وتباسىن جىلى ءارى ىڭعايلى پاتەرگە كوشىرىپ، تاماقتارىن جەتكىزىپ وتىرساق دەپ ويلاستىرىپ وتىرمىز. اللا، قارا كوزدەرىمىزدى ناقاقتان جىلاتپاسىن. وسى سياقتى وتباسىلار ىرىكتەلىپ قويعان، سول سەبەپتى بەكەردەن-بەكەر تەگىن سۇراپ، تەلەفونعا تىنىم بەرمەي وتىرعان ادامدار تۇسىنىستىكپەن قاراپ، بەكەرگە مازالاماسا ەكەن ءوتىنىش. مۇنداي قيىندىقتاردى جاۋىمىزدىڭ باسىنا بەرمەسىن. قايتا قولدان كەلسە جۇمىلا كىرىسەيىك. كيىمدەردى نيەت ەتىپ العان ادام، تەك جەڭىلدىكپەن العانىنان باسقا اش وتىرعانداردىڭ ساۋابىنا دا كەنەلەتىنىن بىلسە ەكەن. ەلىمىز تىنىش، وتباسىمىز امان، ىستىق ۇيامىز بەرەكەگە تولى بولىپ، سابيلەرىمىز جىلاماسىن!» - دەپ جازعان پروديۋسەر.
دەرەككوز: Reactor