پولشا پرەزيدەنتى اندجەي دۋدا بۇل وقيعانى ءوز ەلى ءۇشىن «تاريحي ءسات» دەپ اتادى. باتالون رەسەيدىڭ بالتىق تەڭىزى جاعالاۋىنداعى انكلاۆىنان 60 كيلومەتر قاشىقتىقتاعى وجيش قالاسىندا ورنالاسقان. اندجەي دۋدا ايماققا ساپارى كەزىندە «ەكىنشى دۇنيەجۇزىلىك سوعىس اياقتالعاننان كەيىن بۇل ءساتتى پولياكتاردىڭ ءبىر بۋىنى - ادىلەتتى، ءبىرتۇتاس، دەموكراتيالىق جانە راسىمەن دە ەركىن باتىستىڭ ءبول بولىگى بولۋدى ارمانداعان ۇرپاعى كۇتتى» دەدى.
باتالونعا امەريكالىق اسكەريلەر قولباسشىلىق جاسايدى. ونىڭ قۇرامىنا مىڭعا تارتا سارباز، ونىڭ ىشىندە ۇلى بريتانيا مەن رۋمىنيا اسكەريلەرى كىرەدى. كەيىن وعان حورۆات اسكەريلەرى قوسىلۋى ءتيىس. ناتو- نىڭ مالىمدەۋىنشە، بۇل باتالوننىڭ وسى جىلدىڭ باسىندا پولشانىڭ گەرمانيامەن شەكارالاس وڭتۇستىك- باتىسىنا ورنالاسقان 3500 امەريكالىق اسكەريگە قاتىسى جوق.
بيىل ناتو- نىڭ گەرمانيا، كانادا جانە ۇلى بريتانيا قولباسشىلىق ەتەتىن بولىمدەرى لاتۆيا، ليتۆا جانە ەستونياعا دا ورنالاستىرىلادى. اليانس شىعىس ەۋروپاداعى اسكەري الەۋەتىن رەسەي 2014 -جىلى ۋكراينادان قىرىم تۇبەگىن اننەكسيالاپ الىپ، دونباستاعى سەپاراتيستەرگە قولداۋ كورسەتكەن سوڭ كۇشەيتە باستاعان.
http://www.azattyq.org