قىتايداعى قانداسىمىز كاسىپقوي بوكستاعى باستى جەكپە-جەگىن وتكىزەدى

استانا. قازاقپارات - قىتايدا تۇراتىن قانداسىمىز ەلحات نىعمەتوللا 26- اقپان كۇنى كاسىپقوي بوكستاعى باستى جەكپە-جەگىن وتكىزەدى، دەپ حابارلايدى قازاقپارات ءتىلشىسى.

قانداسىمىزدىڭ لاقاپ اتى - قازاق جاۋىنگەرى. جاسى بيىل 23 تە. ول وسىعان دەيىن سەگىز رەت شارشى الاڭعا شىعىپ، ءالى بىردە-ءبىر رەت جەڭىلىپ كورمەگەن. ونىڭ باستى جەكپە-جەگىندەگى قارسىلاسى تايلاندتىق بوكسشى انۋكۋل پرومكامساۆ    بولماق. ونىڭ جاسى بيىل 29 دا. پرومكامساۆ 14 رەت شارشى الاڭعا شىعىپ التاۋىندا قارسىلاسىن ايقىن باسىمدىلىقپەن جەڭسە، 9 كەزدەسۋىندە جەڭىلىس تاپقان. قوس بوكسشى اسا جەڭىل سالماقتا (118 فۋنتقا دەيىن - 53,5 كەلى) سىنعا تۇسەدى. كەزدەسۋ التى راۋندقا سوزىلادى.

وسى ورايدا ايتا كەتەيىك، ەلحات نىعمەتوللا - بەلگىلى كاسىپقوي بوكسشى قانات يسلام دۇنيەگە كەلگەن شىنجاڭداعى التاي ايماعى، قابا اۋدانىنىڭ تۋماسى. بۇل ەلدى مەكەندە قاناتتىڭ جولىن قۋعان وزگەدە قانداستارىمىز جەتەرلىك.

اۆتور: كۇنسۇلتان وتارباي