رەسەيلىك ساراپشىلار قازاقستاننىڭ تاۋەلسىزدىك جىلدارىنداعى جەتىستىكتەرىن ءسوز ەتتى

ماسكەۋ. قازاقپارات - كەشە ماسكەۋدە تانىمال قوعام قايراتكەرلەرى، ساياساتتانۋشىلار مەن جۋرناليستەر «قازاقستان الەمدىك تاريحتا: سارقىلماس قۇندىلىقتار مەن بولاشاق كوكجيەگى» اتتى حالىقارالىق عىلىمي-تاجىريبەلىك كونفەرەنسيا بارىسىندا قازىرگى زامانعى، دامىعان قازاقستاننىڭ قالىپتاسۋ تاريحى مەن دامۋىنا قاتىستى ماسەلەلەردى ءسوز ەتتى.

بۇل تۋرالى «قازاقپارات» ح ا ا- نىڭ ماسكەۋدەگى مەنشىكتى ءتىلشىسى حابارلادى. قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى وكىلدەرىنىڭ قولداۋىمەن، ازيا جانە افريكا ەلدەرى ينستيتۋتى مەن م. لومونوسوۆ اتىنداعى م م ۋ- ءنىڭ ۇيىمداستىرۋىمەن وتكەن جيىن قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالدى. بۇگىنگى كونفەرەنتسياعا قاتىسۋشىلاردىڭ الدىندا قازاقستاننىڭ جەتكەن جەتىستىكتەرى تۋرالى ق ر ر ف- داعى ەلشىلىگىنىڭ كەڭەسشى-ەلشىسى مارات سىزدىقوۆ جان-جاقتى بايانداما جاسادى.

ول سوزىندە قازاقستاننىڭ 25 جىل ىشىندە مەملەكەتتىلىگى مىعىم، ۇلتتىق ەكونوميكاسى دامىپ كەلە جاتقان، ىشكى جانە سىرتقى ساياسي جاعدايى تۇراقتى، ازاماتتارى بىرلىك پەن كەلىسىمدە، كونفەسسيالارى ۇلت وكىلدەرى بىرلىكتە ءومىر ءسۇرىپ جاتقان ەگەمەن ەل رەتىندە قالىپتاسقاندىعىن اتاپ ءوتتى.

«ەلدە تاريحي ماڭىزى زور وزگەرىستەر ورىن الىپ، ولار مەملەكەت ەگەمەندىلىگىنڭ ساياسي جانە قۇقىقتىق نەگىزدەرىن نىعايتتى. بۇل فاكتورلار جاھاندىق قاۋىپ-قاتەرلەرگە قارسى تۇرا الاتىن، بۇكىل قوعامنىڭ مۇددەسىنە قاتىستى ماسەلەلەردى جۇزەگە اسىرا الاتىن مەملەكەتتىك قۇرىلىمنىڭ ءتيىمدى جۇيەسىن قۇرۋعا ىقپال ەتتى. تاۋەلسىزدىك جىلدارىندا قازاقستاندا ەكونوميكالىق ءوسىم بويىنشا زور كورسەتكىشتەرگە قول جەتكىزىلدى. ءبىزدىڭ باسەكەلەستىك تۇرعىسىنان العاندا تەڭدەسى جوق ەرەكشەلىكتەرى، مول تابيعي بايلىعى، اۋىل شارۋاشىلىعى، كوممۋنيكاتسيالىق جانە ترانزيتتىك الەۋەتى-ەلدىڭ ەكونوميكالىق جەتىستىگىنىڭ نەگىزىن قالادى»، - دەدى سىزدىقوۆ.

ديپلومات سوزىندە ەلىمىزدىڭ قىسقا عانا ۋاقىت ىشىندە «الەمدىك وتباسى مەن ۇلتتىڭ» تولىققاندى جانە موينىنا مول جاۋاپكەرشىلىگىن ارتقان مۇشەسىنە اينالىپ، الەمدىك قاۋىمداستىق وكىلدەرىن مويىنداتىپ، حالىقارالىق دەڭگەيدەگى ۇستانىمىن بەكەمدەگەندىگىن اتاپ ءوتتى.

«وسىنىڭ بارلىعىنىڭ ارتىندا ءسوز جوق مەملەكەت باسشىسى نۇرسۇلتان نازاربايەۆ باقارعان قازاقستاندىق قوعامنىڭ سان-سالالى، تەڭدەسى جوق جانكەشتى ەڭبەگى جاتىر»، - دەدى سىزدىقوۆ.

قازاقستان تاۋەلسىزدىگىنڭ 25 جىلدىعىمەن رەسەيدىڭ شىعىس تانۋشىلار قوعامىنىڭ ۆيتسە-پرەزيدەنتى ر ع ا- نىڭ شىعىس تانۋ ينستيتۋتىنىڭ شىعىس تانۋ تاريحى ءبولىمىنىڭ مەڭگەرۋشىسى دميتري ۆاسيليەۆ قۇتتىقتاپ، ەلىمىزدىڭ تاريحى جونىندە سىر شەرتتى. سونداي-اق قازاقستاندىقتارى ۇجىمدىق قاۋىپسىزدىك شارت ۇيىمى باس حاتشىسىنىڭ ورىنباسارى امانجول جانقۇليەۆ قۇتتىقتاپ، ەلىمىزدىڭ ۇيىمعا مۇشە رەتىندە قاۋىپسىزدىك باعىتىنداعى اتقارعان ىستەرىنە توقتالدى.

سونداي-اق جيىندا قازاقستاننىڭ بولاشاعىنا سىرتتان قاراعانداعى كوزقاراستارى تۋرالى كوپتەگەن عالىمدار مەن ساراپشىلار، ماماندار وي-پىكىرلەرىمەن ءبولىستى.