قازاقپارات فوتوگرافىنىڭ جۇمىستارى «تاۋەلسىزدىك تاعىلىمى» كورمەسىنە ەندى - فوتو
04:54, 07 - جەلتوقسان 2016
استانا. قازاقپارات - استانادا «تاۋەلسىزدىك تاعىلىمى» سۋرەت كورمەسىنىڭ ەكىنشى كەزەڭى باستالدى، دەپ حابارلايدى «قازاقپارات» ح ا ا ءتىلشىسى.
ەكسپوزيسيادا قازاقستاننىڭ جەتەكشى فوتوجۋرناليستەرىنىڭ 100 جۇمىسى، سونىڭ ىشىندە «قازاقپارات» حالىقارالىق اقپارات اگەنتتىگىنەن مۇحتار حالداربەكوۆتىڭ سۋرەتتەرى قويىلدى. فوتوگرافتار «مەنىڭ وتانىم - قازاقستان» كونكۋرسىنىڭ جەڭىمپازدارى.
«قازاقستان ءوز تاۋەلسىزدىگىنىڭ 25 جىل وتكەن ۋاقىتىندا جارقىن ءارى قىزىق وقيعالارعا تولى جاسامپازدىق پەن دامۋدىڭ جولىن ءجۇرىپ ءوتتى. وسى ۋاقىت ارالىعىندا تاۋەلسىزدىك العان حالىقپەن بىرگە جاس مەملەكەتتىڭ ءاربىر قادامىن سۋرەتكە ءتۇسىرىپ جۇرگەن فوتوتىلشىلەردىڭ دە ەڭبەگى زور»، - دەدى «فوتو ونەر» ق ب پرەزيدەنتى اسىلحان ابدرايم. كورمە تاۋەلسىزدىك سارايىندا ءوتىپ جاتىر جانە 2016 -جىلدىڭ سوڭىنا دەيىن جالعاسادى.