يمانعالي تاسماعامبەتوۆ قازاق ءتىلىنىڭ مارتەبەسى تۋرالى ولەڭ وقىپ بەردى - كەسكىن

استانا. قازاقپارات - ق ر پرەمەر-ءمينيسترىنىڭ ورىنباسارى، ساياساتكەر يمانعالي تاسماعامبەتوۆ استانا قالاسىندا وتكەن رەسپۋبليكالىق جاستار فورۋمىندا ءسوز الىپ، قازاق ءتىلىنىڭ مارتەبەسى تۋرالى ءسوز قوزعادى.

يمانعالي نۇرعالي ۇلى، قازىرگى جاستاردىڭ اعىلشىن ءتىلىن ءبىلۋىن دە مىندەتتى دەپ سانايتىنىن ايتتى. ونىڭ ايتۋىنشا، وركەنيەت كوشىنە ىلەسەمىن دەسەك، بۇل ءتىلدى ءبىلۋ وتە ماڭىزدى.

ول سونداي-اق، قازىرگى قازاق ءتىلىنىڭ دامۋىنا قاتىستى دا پىكىر ءبىلدىردى. ساياساتكەر، ءتىل تۋرالى زاڭ قابىلدانعانىن، ۇكىمەت وتىرىستارى مەن پارلامەنت جيىندارىنىڭ قازىر انا تىلدە وتەتىنىن، ۇكىمەت بۇل تۇرعىدا وراسان ىستەر اتقارىپ جاتقانىن باسا ايتتى.

ول سودان سوڭ، مىنبەردە تۇرىپ، قازاق ءتىلى تۋرالى ءبىر شۋماق ولەڭدى دە وقىپ بەرەدى. بەينەجازبا اسحات قاسەنعالي ەسىمدى فەيسبۋك قولدانۋشىسىنىڭ پاراقشاسىندا جاريالانعان.