وماننىڭ «نۇر مۋسكات» ارناسى نۇرسۇلتان نازاربايەۆ تۋرالى فيلمدى كورسەتتى
«كينو تۋىندىنى كورسەتەردىڭ الدىندا قازاقستاننىڭ ومانداعى ەلشىسى ەرجان مۇقاش وماندىق تەلەارنانىڭ تىلشىلەرىنە سۇحبات بەرىپ، ق ر تۇڭعىش پرەزيدەنتى نۇرسۇلتان نازاربايەۆتىڭ باسشىلىعىمەن ەلىمىزدىڭ تاۋەلسىزدىك جىلدارىندا قول جەتكىزگەن جەتىستىكتەرى، سونداي-اق قازاقستان-ومان قارىم-قاتىناستارىنىڭ جاي-كۇيى مەن بولاشاعى جايىندا اڭگىمەلەپ بەردى»، - دەلىنگەن رەسمي حابارلامادا.
ايتا كەتەيىك، «بالالىق شاعىمنىڭ اسپانى» - 2011-جىلعى رەجيسسەر رۇستەم ابدىراشەۆتىڭ قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ بالالىق جانە جاستىق شاعى جايىندا تۇسىرگەن كوركەم فيلمى.
كوپ سەريالى «كوشباسشى جولى» كينو ەپوپەياسىنىڭ ءبىرىنشى ءبولىمى. 2011-جىلى 7- ساۋىردە نۇرسۇلتان نازاربايەۆ استانا قالاسىنىڭ «قازاقستان» ورتالىق كونسەرت زالىندا بولىپ، فيلمنىڭ تۇساۋ كەسەرىنە قاتىسقان بولاتىن.