يسەكەشەۆ استانالىقتاردى تۇڭعىش پرەزيدەنت كۇنى مەرەكەسىمەن قۇتتىقتادى
«سىزدەردى 1- جەلتوقسان - قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىمەن شىن جۇرەكتەن قۇتتىقتايمىن!» دەلىنگەن قۇتتىقتاۋ حاتىندا.
ەلوردا اكىمى قازاقستاننىڭ تاۋەلسىز مەملەكەت رەتىندە قالىپتاسۋى، ەكونوميكاسى قۋاتتى، ەڭسەلى ەل اتانۋى ەلباسىمىزدىڭ ەسىمىمەن تىعىز بايلانىستى ەكەنىن، سوندىقتان بۇگىنگى كۇن جالپى حالىق بولىپ اتاپ وتەتىن مەرەكەگە اينالعانىن اتاپ ءوتتى. اكىم تاۋەلسىزدىكتىڭ 25 جىلىندا ەلباسىمىز جۇرگىزگەن ساليقالى ساياساتتىڭ ارقاسىندا ەلىمىزدى مەكەندەگەن ءتۇرلى ەتنوستار ءوزارا تاتۋلىقتا ءومىر ءسۇرىپ جاتقانىن تىلگە تيەك ەتتى.
قازاقستان الەمنىڭ الپاۋىت ەلدەرىمەن تەڭ دارەجەدە ارىپتەستىك ورناتىپ، عالامدىق ماڭىزدى باستامالاردىڭ ورداسىنا اينالدى. الەم جۇرتى ەلىمىزدى كوپتەگەن يگى ىستەرمەن تانىپ-بىلۋدە. بۇل جۇيەلى جوسپار مەن قاجىرلى ەڭبەكتىڭ ارقاسى. ازاماتتارىمىزدىڭ بويىندا ەلدىك سانا، ەرتەڭگە دەگەن سەنىم قالىپتاستى.
«ەلباسىمىز قازىعىن قاعىپ، بولاشاعىن باعدارلاعان ارايلى استانامىز دا بۇگىندە الەمنىڭ ۇزدىك شاھارلارىنىڭ ءبىرى. ەلىمىز بەن ەڭسەلى ەلوردامىزدىڭ الار اسۋى الدا، بولاشاعى جارقىن دەپ سەنەمىن. بارشاڭىزعا زور دەنساۋلىق، قاجىماس قايرات، وتباسىلارىڭىزعا ىرىس پەن بەرەكە تىلەيمىن!» دەلىنگەن قۇتتىقتاۋدا.