قازاتوم ونەركاسىپ باسشىسى قىتايلىق ارىپتەستەرمەن ىنتىماقتاستىق ماسەلەلەرىن تالقىلادى
بۇل تۋرالى كومپانيانىڭ باسپا ءسوز قىزمەتىنەن حابارلادى. قازاقستاندىق ۇلتتىق اتوم كومپانياسىنىڭ باسشىسى «CGNPC» باس ديرەكتورى چجان شانمين (Zhang Shanming) جانە «CNNC» باس ديرەكتورى جياڭ جيميڭمەن (Qian Zhimin) كەلىسسوزدەر جۇرگىزدى.
اسقار جۇماعاليەۆ قىتايلىق ارىپتەستەرىمەن اتوم ەنەرگەتيكاسىن دامىتۋ سالاسىنداعى كەڭ اۋقىمدى ماسەلەلەردى تالقىلادى.
تاراپتار كومپانيالار اراسىنداعى ىنتىماقتاستىقتى دامىتۋدىڭ جاقسى قارقىنىن، ۋران ءوندىرۋ، جبق زاۋىتى قۇرىلىسى سياقتى ءبىراقاتار بىرلەسكەن جوبالاردى ىسكە اسىرۋ بويىنشا تابىستى جۇمىستاردى اتاپ كورسەتتى.
سەرىكتەستەر سونداي-اق، قىتاي ارقىلى ۋران تاسىمالداۋ، جوعارى دەڭگەيلى بولىستەگى قازاقستاندىق ۋران ونىمدەرىن ق ح ر- نا جەتكىزىپ بەرۋگە قاتىستى پىكىر الماستى. كەلىسسوزدەر قورىتىندىسى بويىنشا اسقار جۇماعالييەۆ ارىپتەستەرىن «استانا ەكسپو-2017» حالىقارالىق كورمەسىنە قاتىسىپ، قازىرگى زامانعى تەحنولوگيالاردى جانە اتوم ەنەرگياسىن بەيبىت پايدالانۋ يدەياسىن ىلگەرىلەتۋدەگى قىتايلىق كومپانيالاردىڭ جەتىستىكتەرىن كورسەتۋگە شاقىردى.
«قازاتوم ونەركاسىپ» ۇ ا ك» ا ق - قازاقستاننىڭ ۋران جانە ونىڭ قوسىندىلارىن، سيرەك مەتالدار، اتوم ەلەكتر ستانسالارىنا ارنالعان يادرولىق وتىن، ارنايى قۇرال-جابدىقتار، تەحنولوگيالار جانە ەكى ۇداي ماقساتتاعى ماتەريالدار ەكسپورتىمەن اينالىساتىن ۇلتتىق وپەراتور.
كومپانيا قىزمەتىنىڭ باستى باعىتتارى گەولوگيالىق بارلاۋ، ۋران ءوندىرىسى، يادرولىق وتىن تسيكلى ونىمدەرىن ءوندىرۋ جانە كونسترۋكتسيالىق ماتەريالدار ءوندىرىسى. بۇگىنگى تاڭدا كومپانيادا 27000 نان استام ادام ەڭبەك ەتەدى. قازاتوم ونەركاسىپ الەمنىڭ جەتەكشى ۋران ءوندىرۋشى كومپانيالارىنىڭ كوشىن باستاپ كەلەدى.