ون سوتىق جەردى ساتىپ الۋ مۇمكىندىگىن قاراستىرۋىمىز قاجەت شىعار - ا. مىرزاحمەتوۆ
كوميسسيانىڭ جاڭا ءتوراعاسى اسقار مىرزاحمەتوۆ وسى ماسەلەنى شەشۋدىڭ ءبىر جولىن ۇسىندى، دەپ حابارلايدى Baq.kz ءتىلشىسى.
ءتوراعانىڭ ايتۋىنشا، كوميسسيانىڭ جۇمىسىن قورىتىندىلاعاندا اۋىل شارۋاشىلىعى مينيسترلىگى دە ءوز تاراپىنان ءتيىستى ۇسىنىستاردى تالقىلاۋعا سالاتىن بولادى. «سونىڭ ىشىندەگى ءبىر ماسەلە 10 سوتىققا بايلانىستى. ءبىز بىلەمىز، قازىر قولدانىستاعى زاڭ، ايتالىق، اۋىل شارۋاشىلىعى سالاسىنداعى جەرلەردى مەملەكەتتىك مۇددەگە، ياعني جەكە تۇرعىن ءۇي سالۋعا رۇقسات بەرمەيدى. مۇمكىن بۇگىنگى جاعدايعا بايلانىستى وسى زاڭعا ەنگىزگەلى وتىرعان وزگەرىستەردى ەسكەرە وتىرىپ، زاڭدارعا وزگەرىس ەنگىزىپ، مەملەكەتتىك مۇددەگە دە وسى جەرلەردى ساتىپ الۋ مۇمكىنشىلىگىن قاراستىرۋىمىز كەرەك شىعار. ياعني، ونى مىسال رەتىندە ايتىپ وتىرمىن. سول سياقتى كوميسسيا كوتەرىلمەي تۇرعاننىڭ وزىندە دە ءبىز ايتقانبىز، مىنا ءبىر قولعا بەرىلەتىن جەردىڭ كولەمىن شەكتەۋ ماسەلەسى، مەيلى، ساتىلا ما، مەيلى جالعا بەرىلە مە، شەكتەۋ قازىر ءاربىر اۋداننىڭ كولەمىندە، ال قازاقستان بويىنشا شەكتەۋدىڭ جوقتىعى... سوندىقتان ونىڭ شەكتەۋ ماسەلەسىن دە... مىنە، وسىنداي ماسەلەلەردى دە ءبىز مينيسترلىكتىڭ تاراپىنان ونىڭ بارلىعىن قاراپ، ونىڭ بارلىعىن اتقارىپ وتىرمىز».
ايتا كەتەيىك، ا. مىرزاحمەتوۆ كوميسسيا وتىرىستارىن اپتا سايىن ەمەس، ەكى اپتادا ءبىر رەت وتكىزۋدى ۇسىندى. سونداي- اق ول كوميسسيا مۇشەلەرىنە ءبىر نازىن ايتتى.
بۇعان دەيىن پارلامەنت پالاتالارىنىڭ بىرلەسكەن وتىرىسىندا ۇكىمەت باسشىسى كارىم ءماسىموۆ تە 10 سوتىق جەردى بەرۋ ماسەلەسىن كوتەرگەن بولاتىن. ول - جەكە مەنشىك ءۇي قۇرىلىسىنا ارنالعان جەر. «تۇرعىن- ءۇي قۇرىلىسى سالاسىن ۇلعايتۋ جۇمىسى ەكونوميكالىق ءوسىمدى قامتاماسىز ەتەدى دەپ ويلايمىز. وسى باعدارلامانىڭ جاڭا ءبىر باعىتى - جەكە مەنشىك تۇرعىن- ءۇي قۇرىلىسى ءۇشىن ينفراقۇرىلىمدى جاساۋ. بۇل دەگەنىمىز، اكىمدىكتەر ارقىلى جەكە ءۇيدى سالۋ ءۇشىن ينفراقۇرىلىم جاسالاتىن بولادى. ءبارىمىز جاقسى بىلەمىز، سوڭعى كەزدە جەر ماسەلەسى توڭىرەگىندە داۋ- دامايلار كوبەيدى. بىزدىڭشە، 10 سوتىق جەردى ءبولۋ ماسەلەسى جالپى قازىرگى جاعدايدى شەشۋگە ءوز سەپتىگىن تيگىزەدى. ارينە، وعان ينفراقۇرىلىم جەلىلەرى تارتىلۋى قاجەت. سول سەبەپتى رەسۋرستاردىڭ ءبىر بولىگى جەكە مەنشىك ءۇي قۇرىلىسىن دامىتۋعا بولىنەتىن بولادى»، - دەيدى ك. ءماسىموۆ.