ۇيلەنگەلى جاتقان كۇيەۋ جىگىتتى الىپ قاشىپ كەتتى

استانا. قازاقپارات - سامارقان وبلىسىندا نادىر ابدۋحاميدوۆ ەسىمدى جاس جىگىت ءوزىنىڭ جاقسى كورەتىن قىزىنىڭ بولاشاق جارىن ۇرلاپ اكەتكەن.

ول «كۇيەۋ ۇرلاۋ» وپەراتسياسىنا ءوزىنىڭ تۋىستارىن كومەككە شاقىرعان دەپ جازادى «ازاتتىق» راديوسى.

تەك كينودان عانا كورەتىن وقيعا وزبەكستاننىڭ سامارقان وبلىسى بۋلۋنگۋر اۋدانىندا ورىن العان. نادىر ءوزىنىڭ عاشىعىمەن وتاۋلاسقىسى كەلسە دە قىزدىڭ اتا-اناسى وزگە بىرەۋمەن قۇدالاسىپ، ۇزاتۋ تويىنىڭ كۇنىن بەلگىلەپ قويىپتى. الايدا، داستۇردەن بۇرىن جۇرەگىنىڭ امىرىمەن جۇرگەن جاس جىگىت تويدى بولدىرماۋ ءۇشىن كۇيەۋ بالانى ۇرلاپ كەتكەن.

سامارقاننىڭ قۇقىق قورعاۋ ورگاندارىنىڭ مالىمەتى بويىنشا، نادىر جوسپارىن جۇزەگە اسىرۋ ءۇشىن تۋىس اعالارى حابيبۋللو ابدۋحاميدوۆ پەن اببوس يبراگيموۆتى كومەككە شاقىرعان. ءبىر شەشىمگە ۋاعدالاسقان ەر ازاماتتار كۇيەۋ بالاعا قوڭىراۋ شالىپ، كوشەگە شىعۋىن سۇرايدى. ول سىرتقا شىققاندا، كۇشپەن كولىككە وتىرعىزىپ، بەلگىسىز جاققا الىپ كەتكەن.

سوڭىندا «كۇيەۋ بالانى ۇرلاعان» نادىر ابدۋحاميدوۆ قىلمىستىق كودەكستىڭ 277-بابى بويىنشا («بۇزاقىلىق») ايىپتى دەپ تابىلىپ، 3.5 جىلعا سوتتالادى. ال ونىڭ تۋىستارى 3 جىلعا دەيىن باس بوستاندىقتارىنان ايىرىلعان.