گانسۋدەن كەلگەن قازاق اكىم

استانا. قازاقپارات - كەشە ۇلتتىق كىتاپحانادا الەم ادەبيەتى ورتالىعى مەن ساۋدا جانە ينۆەستيتسيا پالاتاسىنىڭ ۇيىمداستىرۋىمەن «ۇلى جىبەك جولىنداعى قوڭىراۋ ءۇنى» اتتى حالىقارالىق كونفەرەنتسيا ءوتتى.

بۇل كونفەرەنتسياعا قىتاي ەلىنىڭ گانسۋ ولكەسى اقساي اۋدانىنىڭ اكىمى قاليبەك سۇلتان ۇلى مەن قۇرىلتاي ءتوراعاسى سامەن قابىل ۇلى كەلىپتى.

ق. سۇلتان ۇلى: «شىڭجاننىڭ التاي جەرىنەن اتا-بابامىز 1938-جىلى گانسۋعا قونىستانعان ەكەن. وسى ولكەدە 10 مىڭعا جۋىق حالىق تۇرادى، سولاردىڭ 4000 ى قازاق، جەر اۋماعى 38 مىڭ شارشى مەتر، جان سانى از بولعانمەن بايلىعى مول. 2 قالا، 11 قىستاعى بار. ءتىل، ءدىن، سالت-ءداستۇرىمىزدى وتە جاقسى ساقتاپ كەلەمىز. جىبەك جولىن جاڭعىرتۋعا بايلانىستى كوپتەگەن ءىس-شارالار وتكىزىلىپ جاتىر. سونىڭ ءبىرى - ەكى ەل دوستىعىن نىعايتۋ ماقساتىندا الماتى قالاسى اكىمشىلىگىمەن جانە دە باسقا ۇيىمدارمەن بىرلەسىپ، ءبىراز شارالار ۇيىمداستىرساق دەگەن ماقساتتامىز. قازاق كۇرەسىن وتكىزدىك، وعان 12 ەلدەن قازاقتار كەلىپ قاتىناستى. حالىقارالىق اقىندار ايتىسى دا جوعارى دەڭگەيدە ءوتتى. قازاقستاننىڭ ونەر شەبەرلەرىنىڭ كونسەرتى وتكەن جىلعى ناۋرىزدا بولدى. «اقساي قازاق ادەبيەتى سىيلىعىن» تاعايىنداپ، جۇلدەگەرلەرگە تاپسىرۋدامىز. اۋدانىمىزدان 2 قابات ۇلتتىق مۇراجاي سالىپ بىتىردىك، ءۇش جىلعا جۋىق ۋاقىتتا مۇراجايدى تولىقتىرىپ كەلەمىز. ەندىگى سىزدەردەن سۇرايتىنىمىز 1) دوستىق قارىم-قاتىناستى ورناتۋ، 2) تالانتتى اقىن، سازگەرلەردى وقىتۋ، 3) مۇراجايدى تولىقتىرۋ، 4) ق ر ج و و مەن كوللەدجدە وقىتۋ، 5) ساياحاتتى دامىتۋ، 6) سەمەنت زاۋىتىن سىرتقا شىعارۋ»، - دەگەن ۇسىنىستارىن ايتتى.

وسىعان وراي، بەلگىلى اقىن-جازۋشىلار مەن قوعام قايراتكەرلەرى ۇلىقبەك ەسداۋلەت، نۇرتىلەۋ يمانعالي، يسرايىل ساپارباي، ماماي احەت، مۇحتارحان بياروۆ، شاراينا قۇماروۆا، الماسبەك نۇعمان، سەيدوللا سارسەك «ونەردە شەكارا جوق، جاقسى بايلانىستار ورناپ جاتىر، گازەت، جۋرنالداردى حالىقارالىق كاتولوگقا ەنگىزسە، تەلەديدار ارقىلى حابار تاراتساق بۇگىنگى اڭگىمە حالىققا تەز جەتەدى، بايلانىس جاساۋعا قولداۋ كورسەتەمىز» دەسە، ايتبەرگەن ۇستا مۇراجايعا قول ۇشىن بەرۋگە ءازىر ەكەندىگىن ءبىلدىردى.

ءسوز كەزەگىندە، دۇنيەجۇزى قازاقتارى قاۋىمداستىعى ۇيىمداستىرۋ ءبولىمىنىڭ مەڭگەرۋشىسى بوتاگوز ۋاتقان، ج و و- نىڭ دايىندىق بولىمدەرىنە وقىتۋعا، «بالداۋرەن» بالالاردى ساۋىقتىرۋ لاگەرىنە كۆوتا بەرىپ كومەكتەسۋگە مۇمكىندىكتىڭ بار ەكەنىن جەتكىزدى.

قاتىسۋشىلار اتىنان نۇرتىلەۋ يمانعالي ۇلى ۇيىمداستىرۋشىلاردىڭ ءبىرى اقىن مۇراتحان شوقاندى تۋعان كۇنىمەن قۇتتىقتاپ، شىعارماشىلىق تابىس تىلەدى.

Baq.kz