اعزانى كۇرىشپەن تازالاۋ جولدارىن بىلەسىز بە؟

استانا. قازاقپارات - اعزانى تازالاۋ - دەنساۋلىق ساقتاۋدىڭ ەڭ جاقسى ءتاسىلى.

تازالانۋدىڭ قولجەتىمدى ءادىسىنىڭ ءبىرى - كۇرىشپەن تازالانۋ. ونى جىلىنا 1-2 رەت ەكى اپتادان ءبىر ايعا دەيىنگى مەرزىمدە جاساۋ كەرەك.

ناتيجەسى بىرنەشە كۇننىڭ ىشىندە كورىنەدى. تۇلا-بويىڭىز جەڭىلدەپ، كوڭىل-كۇيىڭىز كوتەرىلەدى. زات الماسۋدى، باۋىر مەن بۇيرەكتىڭ قىزمەتىن جاقسارتادى، بۋىنداردى، تامىرلاردى، تەرىنى تازارتادى. ارتىق سالماقتان دا بىرتىندەپ قۇتىلاسىز.

كۇرىشپەن تازالانۋدىڭ قۇپياسى

اعزانى تازالاۋ كۇرىشتىڭ ءسىڭىرىپ الۋ قاسيەتىنە باعىتتالعان. كراحمال مەن بالاۋىزدان ارىلعان جىبىتىلگەن كۇرىش اعزاداعى كەرەكسىز زاتتاردى ءوز بويىنا سىڭىرەدى. تازالانۋعا وڭدەلمەگەن كۇرىشتى پايدالانعان ابزال. تۇزسىز ديەتا كۇرىشتىڭ اسەرىنىن ارتتىرادى. اعزانى تازالاۋ بارىسىندا سپيرتتىك ىشىمدىك پەن تەمەكىدەن باس تارتقان ءجون. مايلى، سۇرلەنگەن، اشى تاعامداردى دا شەكتەۋ كەرەك.

كۇرىشتى دايىنداۋ ءتاسىلى

كۇرىشتىڭ تازالاۋ كۇشى ارتۋ ءۇشىن كراحمال مەن بالاۋىزدان ارتىلتۋ قاجەت. ول ءۇشىن 5 ستاكاندى نومەرلەڭىز. سەبەبى كۇرىشتىڭ دايىندالۋىنا 5 كۇن كەتەدى. تەك التىنشى كۇنى عانا اعزانى تازالاۋدى باستاي الاسىز.

ءبىرىنشى كۇن.

№1 ستاكانعا 2-3 اس قاسىق كۇرىش سالىپ، ۇستىنە سۋىق سۋ قۇيامىز.

ەكىنشى كۇن.

№1 ستاكانداعى كۇرىشتى دۇرىستاپ جۋىپ، سۋىق سۋ قۇيىپ، بەتىن جاۋىپ قويامىز. №2 ستاكانعا 2-3 اس قاسىق كۇرىش سالىپ، ۇستىنە سۋىق سۋ قۇيامىز.

ءۇشىنشى كۇن.

№1 جانە №2 ستاكانداعى كۇرىشتى جۋىپ، ۇستىنە تازا سۋ قۇيامىز. №3 ستاكانعا كۇرىش سالىپ، سۋ قۇيامىز.

ءتورتىنشى كۇن.

1-3 ستاكانداعى كۇرىشتى جۋىپ، سۋىن اۋىستىرامىز. №4 ستاكانعا كۇرىش سالىپ، سۋ قۇيامىز.

بەسىنشى كۇن.

№1-4 ستاكاندارداعى ءتارتىپتى قايتالايمىز. سول سياقتى №5 ستاكاندى دايىندايمىز.

التىنشى كۇن.

№1 ستاكانداعى كۇرىشتى تۇز، قانت، ماي - ەشتەڭە قوسپاي ازىرلەيمىز. ال بوساعان ستاكانعا 2-3 اس قاسىق كۇرىش سالىپ، بۇقتىرىپ قويامىز. ەگەر گاستريت، اسقازاننىڭ ويىق جاراسى سياقتى اۋرۋلارمەن اۋىرمايتىن بولساڭىز، كۇرىشتى پىسىرمەي جەۋ كەرەك. كۇرىشكە قايناعان سۋ قۇيىپ، 15-20 مينۋت بۇقتىرامىز. بۇل جاعدايدا كۇرىشتىڭ تازالاۋشى قاسيەتى جوعارى بولادى. پىسپەگەن كۇرىش اعزانى تۇزدار، حولەستەرين مەن قوقىستاردان عانا تازالاپ قويمايدى، سونىمەن قاتار ىشتەگى پارازيتتەردى كەتىرەدى.

كۇرىشپەن تازالانۋ كەزىندە قالاي تاماقتانۋ كەرەك؟

تاڭعى اس ىشپەستەن جارتى ساعات بۇرىن قايناعان سۋ نەمەسە ءشوپ شاي ءىشۋ قاجەت. سۋسىنعا ليمون شىرىنىن قوسۋعا بولادى.

تازالانۋ بارىسىندا تاڭعى اسىڭىز تەك كۇرىش بولادى. جاقسى ناتيجەگە قول جەتكىزۋ ءۇشىن اسىقپاي شايناپ جەۋ كەرەك. تاڭەرتەڭگى استا دا، سودان كەيىنگى 4 ساعات ارالىعىندا دا ەشتەڭە جەمەڭىز، سۋ دا ىشپەڭىز. كۇرىش اعزاڭىزدا قىزمەت ەتسىن.

4 ساعاتتان كەيىن نە قالاساڭىز، سونى جەۋگە بولادى. ءبىراق جاساندى قوسىندالارى بار جانە قانتى كوپ تاعامنان تارتىنعان ءجون. كۇرىش اعزاداعى كەرەكسىز قالدىقتارمەن قوسا دەنەگە قاجەتتى كالي تۇزدارىن دا شىعارىپ تاستايدى. سول ءۇشىن قۇرامىندا كاليى جوعارى دارۋمەندەر مەن مينەرالداردى تۇتىنعان دۇرىس. بۇلار: جاس كارتوپ (بۋعا نە سۋعا پىسكەن)، كەپتىرىلگەن ورىك، مەيىز، ءىنجىر، بانان. كاليگە باي كەپكەن جەمىستەردەن دەنساۋلىققا وتە پايدالى جەمىس تورتىن دايىنداۋعا بولادى. كەپكەن جەمىستىڭ ءارقايسىسىنان بىردەي مولشەردە (اپەلسين مەن ليموننىڭ قابىعىن قوسۋعا دا بولادى) الىپ، ەتتارتقىشتان وتكىزىپ، بالمەن ارالاستىرامىز. توڭازىتقىشتا ساقتاپ، تاتتىگە تابەت تارتقان كەزدە جەۋ كەرەك.

islam.kz