بابالار ءسوزى: «ايداھارلى- قۇدايبەرلى» ۇڭگىرى تۋرالى اڭىز
بۇل جوبا اياسىندا «بابالار ءسوزى» ، «قازاق حاندارى» ، «ەجەلگى قالالار تاريحى» ، «حالىق قازىناسى» قاتارلى جاڭا ايدارلار اشىلدى.
«بابالار ءسوزى» ايدارى نەگىزىنە «مادەني مۇرا» باعدارلاماسى اياسىندا شىققان 100 تومدىق اۋىز ادەبيەتىنىڭ جىر- تولعاۋلارى، قيسسا- داستاندار، ءسوز ۇستاعان شەشەندەر مەن بيلەرىمىزدەن قالعان ناقىلدار، تاريحي جادىگەرلەر الىندى.
***
ەرتە، ەرتە، ەرتەدە، ەشكى ءجۇنى بورتەدە، قۇدايبەرلى دەگەن باتىر ءومىر ءسۇرىپتى. ونىڭ باتىرلىعى سونداي - ءبىر ۇرعاندا تاستى ۇگىتىپ، تاۋدى قۇلاتادى ەكەن. سول قۇدايبەرلىنىڭ جان دەگەندە جالعىز جولداسى بولىپتى. ول - ايداھار ەكەن. سول ايداھار قۇدايبەرلىنىڭ جىلقىسىن جاۋدان قورعاۋشى بولسا، سول ءۇشىن قۇدايبەرلى ايداھارعا كۇنىنە ءبىر جىلقى بەرىپ تۇرادى ەكەن. ەكەۋى تاتۋ- ءتاتتى عۇمىر كەشىپتى.
كۇندەردىڭ ءبىر كۇنىندە قۇدايبەرلىنىڭ جىلقىعا كەلگەن جالعىز بالاسىن ايداھار شىداي الماي جۇتىپ قويادى. اشۋعا مىنگەن قۇدايبەرلى باتىر كەلە سالا ايداھارمەن ايقاسقا تۇسەدى. كۇشى باسىم بولىپ، ايداھاردى الىپ سوعىپ، قىلىشىن سەرمەپ قالعاندا، قۇيرىعىن شاۋىپ ءتۇسىرىپتى دەيدى. جانىن ساۋعالاي قاشقان ايداھار:
ءاي، قۇدايبەرلى، مەن قۇيرىعىمدى ۇمىتپاسپىن، سەن جالعىز بالاڭدى ۇمىتپاسسىڭ، قوش بول! - دەپ تاۋدى جارىپ كىرىپ كەتىپتى. سونان حالىق ايداھار كىرگەن ۇڭگىردى «ايداھارلى- قۇدايبەرلى» دەپ اتاپ كەتىپتى.