بۇگىن «جىبەك جولىنىڭ» اشىلۋى اياسىندا قىتايدان شىققان العاشقى ترانزيتتىك پويىز گرۋزياعا كەلەدى

استانا. قازاقپارات - «جىبەك جولىنىڭ» اشىلۋى اياسىندا قىتايدان تۇركياعا قاراي شىققان العاشقى ترانزيتتىك پويىز جەكسەنبىدە گرۋزياعا كەلەدى.

بۇل تۋرالى گرۋزيا ۇكىمەتىنىڭ باسپا ءسوز قىزمەتىنەن حابارلادى.

«بۇل العاشقى ترانزيتتىك جۇك جانە «جىبەك جولىنىڭ» جۇزەگە اسقان جوباسى. بولاشاقتا ترانزيتتىك پويىز از عانا ۋاقىتتا ازيا مەن ەۋروپانى بايلانىستىرادى. قىتايدان شىققان پويىز ەڭ كوبى 14-15 كۇننەن كەيىن ىستامبۇلعا جەتەدى. بۇرىن كەمەنىڭ قىتايدان تۇركياعا جەتۋى ءۇشىن 40-45 كۇن كەتكەن»، - دەگەن حابارلاماداعى سوزدەردى كەلتىرەدى ريا «نوۆوستي».

فوتو: David Mdzinarishvili / Reuters