كونە تۇركى رۋ- تايپالارىنىڭ تاڭبالارى قاشالعان «ماڭگى تاستىڭ» كوشىرمەسى ەلورداعا جەتكىزىلدى
بيىكتىگى 2 مەتردەن اساتىن ەسكەرتكىشتىڭ اشىلۋ سالتاناتىنا ازەربايجان، قىرعىزستان، تۇركيا ەلدەرىنەن كەلگەن مارتەبەلى مەيماندار قاتىستى. «ماڭگى تاستىڭ» بەتىندە 60 قا جۋىق ءارتۇرلى تاڭبا بەدەرلەنگەن. اتالعان جازبالار جايىندا وسى كۇنگە دەيىن ءالى بىردە- ءبىر رەت ارنايى عىلىمي زەرتتەۋلەر جاريالانباعان ەكەن. «الايدا تاستىڭ ءوزى - سوناۋ تۇركى قاعاناتىنان قالعان بىرلىكتىڭ نىشانى» ، - دەيدى عالىمدار.
مىرزاتاي جولداسبەكوۆ، مەملەكەت جانە قوعام قايراتكەرى: - قازىر دۇنيەجۇزىندە بۇلقان- تالقان بولىپ، نەشە ءتۇرلى وقيعالار بولىپ جاتقان كەزدە بىزگە بىرلىك كەرەك. كورشىمەن دە تاتۋ بولۋىمىز كەرەك. ءوزىمىز دە تاتۋ بولۋىمىز كەرەك. «ماڭگى تاس» ءبىزدى سوعان شاقىرىپ وتىر. بۇل - بابالاردان قالعان امانات. مۇنىمەن قوسا، بۇگىن ەلوردادا تۇركى تىلدەس ەلدەر پارلامەنتتىك اسسامبلەياسىنىڭ IV پلەنارلىق وتىرىسى ءوتتى. «ۇلى دالاداعى مەملەكەتتىلىك جانە پارلامەنتاريزم» تاقىرىبىنداعى حالىقارالىق كونفەرەنتسياعا پارلامەنتتىك اسسامبلەياعا مۇشە ەلدەردەن كەلگەن وكىلدەر قاتىستى. ەلباسى نۇرسۇلتان نازاربايەۆتىڭ تىكەلەي باستاماسىمەن دۇنيەگە كەلگەن ۇيىم ەلدەر اراسىنداعى ىنتىماقتاستىقتى نىعايتۋعا نەگىزدەلگەن.
24.kz