ەۋرازيالىق ەكونوميكالىق كوميسسيا القاسىنا جاڭا ءتوراعا كەلەدى

استانا. قازاقپارات - جاڭا جىلدان باستاپ ەۋرازيالىق ەكونوميكالىق كوميسسيا القاسىندا جاڭا ءتوراعا بولادى.

بۇل تۋرالى بۇگىن استاناداعى ەۋرازيالىق ەكونوميكالىق كوميسسياسى كەڭەسى وتىرىسى كەزىندە تىلشىلەرگە بەرگەن سۇحباتىندا ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.

«جۇما كۇنى بۋرابايدا مەملەكەت باسشىلارىنىڭ دەڭگەيىندە وتەتىن جوعارى ەۋرازيالىق ەكونوميكالىق كەڭەسكە دايىندىق ماسەلەسىن تالقىلادىق. ءبىز جوعارى كەڭەستىڭ كۇنتارتىبىن تالقىلادىق، ياعني وندا 15 ماسەلە قامتىلعان، ەكەۋى نەگىزگى بولىپ بولادى. ءدال وسى ەكى ماسەلەگە قاتىستى شاعىن قۇرامداعى كەزدەسۋدە ۇزاق تالقىلاۋلار جۇرگىزدىك. ونىڭ ءبىرىنشىسى القا مۇشەلەرىنىڭ (ەۋرازيالىق ەكونوميكالىق كوميسسياسى القاسى) سانىنا قاتىستى بولدى. بۇگىندە ءار ەلدەن ءۇش مۇشەدەن قامتىلعان. جالپى ون بەس مۇشە بار. قازىرگى كەزدە ۇشەۋ، ەكەۋ نەمەسە باسقا فورمات تالقىلانۋدا»، - دەدى ب. ساعىنتايەۆ.

وسى ورايدا ول تالقىلاۋلاردان كەيىن بۇل ماسەلە مەملەكەت باسشىلارىنىڭ دەڭگەيىنە شىعارىلاتىندىعىن، پرەزيدەنتتەر قابىلداعان شەشىمگە سايكەس بۇل فورمات ايقىندالاتىنىن جەتكىزدى.

سونىمەن قاتار ۇكىمەت باسشىسىنىڭ ءبىرىنشى ورىنباسارى كەلەسى نەگىزگى ماسەلە القاعا ءتوراعالىق ەتەتىن ەلگە قاتىستى بولعانىن اتاپ ءوتتى.

«ءبىرىنشى مەرزىم رەسەيدىڭ توراعالىعىمەن ءوتتى. ۆيكتور حريستەنكو (ەۋرازيالىق ەكونوميكالىق كوميسسيا القاسىنىڭ ءتوراعاسى) ءتورت جىل قىزمەت اتقاردى جانە قازىرگى كەزدە مەرزىم اياقتالۋدا، سونداي-اق القاداعى بارلىق مۇشەلەردىڭ دە مەرزىمى ءتامامدالۋدا. جاڭا جىلدان باستاپ بىزدە جاڭا ادامدار، جاڭا ءتوراعا كەلەدى. اتاپ ايتقاندا، بۇل ماسەلە دە مەملەكەت باسشىلارىنىڭ دەڭگەيىندە تالقىلانىپ، ولار ءتيىستى شەشىمدى قابىلدايدى»، - دەدى ب. ساعىنتايەۆ.

اۆتور: رۋسلان عابباسوۆ