ستۋدەنتتەر روبوتقا قازاق تىلىندە ولەڭ وقىتىپ، ءبي بيلەتەتىن باعدارلاما جاساپ شىعاردى - كەسكىن
ستۋدەنتتەر بۇل باستامالارىن ەلدىڭ يننوۆاتسيالىق العا ىلگەرىلەۋىنە قوسقان ءبىر ۇلەسىمىز، دەپ ەسەپتەيدى.
ناۋو ەسىمدى روبوت تاياۋدا ابايدىڭ 170 جىلدىعىنا وراي ۇيىمداستىرىلعان بايقاۋدا قازاقشا ولەڭدى وقىپ ەكىنشى ورىن العان. ولەڭ اۆتورى، روبوتتى قازاقشا سويلەتكەن ستۋدەنت - جەڭىس وتارباي. ول دوستارىمەن بىرگە يرلانديادا وقىعان نازگۇل تاجىعاليەۆانىڭ جەتەكشىلىگىمەن ناۋوعا ارنالعان باعدارلامانى ازىرلەگەن، دەپ جازادى «قازاقستان» ارناسى.
ناۋو - فرانسيانىڭ الدەباران كومپانياسىنىڭ ءونىمى. ءدارى بەرۋ، ساباق وقىتۋ سەكىلدى كىشى-گىرىم قىزمەتتەر اتقارا الادى. ۋنيۆەرسيتەت ستۋدەنتتەرىنىڭ ىزدەنىسى ارقاسىندا ەندى بيلەيتىن بولدى.
نازاربايەۆ ۋنيۆەرسيتەتى ستۋدەنتتەرى مۇنداي قۇلتەمىرلەردىڭ ءالى تالايىن جاساپ شىعارۋى ءتيىس. بۇل باعدارلامالاردىڭ وندىرىسكە ەنۋى دە مۇمكىن. باستىسى - جاڭالىققا قۇشتارلىق، عىلىمي ىزدەنىستى جالعاستىرۋ كەرەك، دەيدى جاستار.