ق. جاقىپوۆ ە ا ە و مەن «جىبەك جولى» بەلدەۋىن ىسكە اسىرۋدى تۇيىندەستىرۋدىڭ جول كارتاسىن ازىرلەۋدى ۇسىندى

استانا. قازاقپارات - ەۋرازيالىق ەكونوميكالىق وداق پەن «جىبەك جولى» ەكونوميكالىق بەلدەۋىن ىسكە اسىرۋدى تۇيىندەستىرۋدىڭ جول كارتاسىن ازىرلەپ، مەملەكەت باسشىلارى قاراۋىنا ەنگىزۋ كەرەك.

بۇگىن ەلوردادا وتكەن «ەۋرازيالىق ەكونوميكالىق پەرسپەكتيۆا» اتتى حالىقارالىق فورۋم بارىسىندا ق ر پارلامەنتى ءماجىلىسىنىڭ ءتوراعاسى قابيبوللا جاقىپوۆ وسىنداي ۇسىنىس جاسادى.

ول ءوز سوزىندە ەۋرازيالىق ەكونوميكالىق وداق تا، «جىبەك جولى» ەكونوميكالىق بەلدەۋى جوباسى دا ەڭ الدىمەن مۇشە ەلدەردىڭ گۇلدەنۋى ءۇشىن جاسالىپ وتىرعاندىعىن باسا ايتتى.

«وسىعان وراي، ءبىزدىڭ مينيسترلىكتەرگە ەۋرازيالىق ەكونوميكالىق كوميسسيامەن بىرلەسىپ، ەۋرازيالىق ەكونوميكالىق وداق پەن «جىبەك جولى» ەكونوميكالىق بەلدەۋىن ىسكە اسىرۋدى تۇيىندەستىرۋدىڭ جول كارتاسىن ازىرلەپ، مەملەكەت باسشىلارى قاراۋىنا ەنگىزسە بولار ەدى»، - دەدى ق. جاقىپوۆ.

ونىڭ پايىمىنشا، بۇل ەۋرازيا قۇرلىعىنىڭ، جالپى بارلىق الەمدىك ەكونوميكالىق جۇيەنىڭ تەڭگەرىمدى دامۋىنا قۋاتتى سەرپىن بەرەر ەدى.

اۆتور: مارلان جيەمباي