ەرتەڭ «بابادان قالعان بايتاعىم» اتتى ايماقتىق اقىندار ايتىسى وتەدى

استانا. قازاقپارات - ەرتەڭ اقتوبەدە «نۇر وتان» پارتياسىنىڭ قولداۋىمەن اقتوبە وبلىسى اكىمدىگى ۇيىمداستىرعان «بابادان قالعان بايتاعىم» ايماقتىق اقىندار ايتىسى وتەدى.

اقىندار سايىسى قازاق حاندىعىنىڭ 550 جىلدىعىنا ارنالىپ وتىر.

شارانىڭ ماقساتى - ايتىس ونەرىن مادەنيەتىمىزدىڭ باعا جەتپەس اسىل مۇراسى رەتىندە حالىققا جان-جاقتى ناسيحاتتاۋ، ايتىسكەرلەر ارقىلى ەجەلگى مەملەكەتشىلدىك يدەياسىن دارىپتەپ، ەلدەگى حالىقتار دوستىعىن، بەرەكە-بىرلىكتى جانە ساياسي تۇراقتىلىقتى، ايماقتاعى اۋقىمدى جۇمىستاردى جىرعا قوسۋ.

ايتىس ەكى اينالىمدا وتەدى. العاشقى اينالىمنان ۇپاي سانى بويىنشا العا شىققان ەكى ايتىسكەر اقتىق مارەگە شىعادى. جۇلدە قورى - 5100000 تەڭگە. باس جۇلدە - 1500000 تەڭگە، 1- ورىن - 1000000 تەڭگە، 2- ورىن - 700000 تەڭگە،  3- ورىن  - 500000 تەڭگە، ال جۇلدەلى ورىنعا ىلىكپەگەن اقىندارعا 100000 تەڭگەدەن ىنتالاندىرۋ سىيلىعى بەرىلەدى.

ايتىستىڭ جۇرگىزۋشىسى قازاقستان رەسپۋبليكاسىنىڭ ەڭبەك سىڭىرگەن قايراتكەرى، م. ماقاتايەۆ اتىنداعى سىيلىقتىڭ ەكى مارتە لاۋرەاتى، اقىن، جۋرناليست ءجۇرسىن ەرمان.

Baq.kz