حالىقارالىق وليمپيادا قاتىسۋشىلارى اراسىنداعى سايىس تارتىستى بولدى - ا ق ش- تان كەلگەن وقۋشى الەكساندر ۆەي

الماتى. قازاقپارات - الماتىدا ءوتىپ جاتقان حالىقارالىق وليمپيادانىڭ قاتىسۋشىلارى تەك جەڭىسكە ۇمتىلدى. بۇل تۋرالى ا ق ش- تان كەلگەن مەكتەپ وقۋشىسى الەكساندر ۆەي ءبولىستى.

ونىڭ ايتۋىنشا، وقۋشىلاردىڭ اراسىندا وتە ۇلكەن تارتىستى سايىس بولدى.

«بارلىق قاتىسۋشىلار مەن جەتەكشىلەر ءتۇرلى دۋمانعا تولى كۇندەردەن ءسال شارشادى. بۇل وتە جاعىمدى ءسات. ءبىز دىتتەگەن ماقساتىمىزعا جەتتىك. مەنىڭ كوماندام سايىس الدىندا ءوزىنىڭ ستراتەگياسىن جوسپارلاپ العان بولاتىن. سايىس بارىسىندا ودان قيا باسپادىق. سايىس وتە تارتىستى بولدى. بارلىعىنىڭ جەڭىستەن ءۇمىتى بولدى» ، - دەدى ا. ۆەي.

وليمپيادانىڭ قوس كۇنىندە الەكساندر ماكسيمۋم 600 باللدىڭ ىشىنەن 466 بالل جينادى. ونىڭ وتانداسى ەندريۋ حە 555 ۇپايدى قاناعات تۇتتى. ەڭ جوعارعى كورسەتكىشتى وڭتۇستىككورەيالىق دجي حاك يۋن (600 بالل) كورسەتتى.

ايتا كەتەيىك، وليمپيادا جەڭىمپازدارىن بۇگىن ءو. جولداسبەكوۆ اتىنداعى ستۋدەنتتەر سارايىندا ماراپاتتايدى.

 

 اۆتور: گۇلميرا عوسمانالي