الماتىداعى كورمەدە قازاقستاندىق ازىق-تۇلىك جانە كيىز ونىمدەرى قىتايلىقتاردىڭ قىزىعۋشىلىعىن تۋدىردى - فوتو

الماتى. قازاقپارات - الماتىدا قىتاي تاۋارلارىنىڭ جارمەڭكەسى اياسىندا «جىبەك جولىنىڭ ەكونوميكالىق بەلدەۋى» ينۆەستيتسيالىق جانە ساۋدا-ەكونوميكالىق ىنتىماقتاستىعى بويىنشا قازاقستاندىق- قىتاي فورۋمى ءوتتى.

فورۋم بارسىندا ق ح ر مەملەكەتتىك قۇرىلىم وكىلدەرى مەن 70 قىتايلىق ءوندىرۋشى كومپانيا - قازاقستاندىق كاسىپورىندارمەن سەرىكتەستىك ورناتۋعا نيەتتى ءتۇرلى تاۋارلاردى وندىرۋشىلەر جانە قىزمەتپەن جابدىقتاۋشىلار B2B فورماتىندا كەزدەسۋ وتكىزدى.

«اتالعان كەزدەسۋ ورتالىق ازيا اۋماعىنداعى ەڭ اۋقىمدى كەزدەسۋ. وعان ەكى تاراپتان 200 دەن استام كومپانيا قاتىستى. بۇل قازاقستاندىق قاتىسۋشىلار ءۇشىن ەلدەن شىقپاي-اق جەتكىزۋشىلەر مەن ساتىپ الۋشىلاردى تابۋدىڭ جاقسى مۇمكىندىگى»، - دەدى ق ح ر كوممەرتسيا مينيسترلىگى جانىنداعى سىرتقى ساۋدانى دامىتۋ بويىنشا باسقارما باستىعىنىڭ ورىنباسارى ۋ. تۋندياو.

فورۋم الماتىداعى قىتاي تاۋارلارىنىڭ 13- كورمەسى اياسىندا ءوتتى. وندا ءوز ونىمدەرىن ق ح ر- دىڭ 300 كومپانياسى قويدى.

«كورمەگە قاتىسۋشىلار سانى جىلدان-جىلعا ارتىپ كەلەدى، مۇندا ورتالىق جانە وڭتۇستىك-شىعىس قىتاي كومپانيالارى قاتىسۋدا. جالپى ەكسپورتتان باسقا، ق ح ر وكىلدەرى قازاقستاندىق ازىق-تۇلىك ونىمدەرى مەن كيىزىنە قىزىعۋشىلىق تانىتتى. فورۋم ناتيجەسىندە ەكىجاقتى كەلىسىمدەرگە قول جەتكىزىلەدى دەپ ويلايمىن»، - دەدى الماتى ساۋدا جانە ينۆەستيتسيالار پالاتاسىنىڭ باس ديرەكتورى مۇحتارحان بياروۆ.