استانادا جىبەك جولىنىڭ ەكونوميكالىق بەلدەۋى تالقىلاندى

  استانا. قازاقپارات - قازاقستان ەۋروپا مەن قىتاي اراسىن جالعايتىن التىن كوپىرگە اينالىپ وتىر. ەۋرازيانىڭ ورتاسىندا ورنالاسقان قازاق ەلى ارقىلى الەم ەكونوميكاسىنىڭ كۇرەتامىرى بولعان قوس قۇرلىقتىڭ الىس- بەرىسى مەن بارىس- كەلىسى جاڭا دەڭگەيگە شىقپاق.

استانادا قازاقستان، رەسەي، قىتاي، فرانتسيا مەن يراننان كەلگەن ساراپشىلار باس قوسىپ، ۇلى جىبەك جولىن جانداندىرۋ جوباسىن تالقىلادى. مامانداردىڭ ايتۋىنشا، 2020 -جىلعا قاراي قىتاي مەن ەۋروپا اراسىنداعى جۇك تاسىمالىنىڭ كولەمى 170 ميلليون توننادان اسىپ تۇسەدى. بۇگىندە بۇل جۇكتەردىڭ نەگىزگى بولىگى تەڭىز ارقىلى تاسىمالدانادى. وسى رەتتە ەلىمىز جۇكتىڭ باسىم بولىگىن ءوز مىندەتىنە الىپ، قۇرلىق ارقىلى جەتكىزۋ ماقساتىن قويىپ وتىر. بۇل مەجەنى جۇزەگە اسىرۋدا «باتىس ەۋروپا- باتىس قىتاي» حالىقارالىق ءدالىزىنىڭ ماڭىزى زور» دەيدى ساراپشىلار. سەرگەي كاراگانوۆ، رەسەي ۇلتتىق زەرتتەۋ ۋنيۆەرسيتەتىنىڭ دەكانى: - جىبەك جولىنىڭ ەكونوميكالىق بەلدەۋى تەك قانا كولىك تاسىمالىنا بايلانىستى جوبا ەمەس. بۇل -  بىرنەشەمەملەكەتتىڭ ەكونوميكالىق دامۋىنا اسەر ەتەتىن كەشەندى جوبا. سوندىقتان ارامىزداعى بايلانىستى بەكەمدەۋگە وسىندا كەلگەن ءبارىمىز دە مۇددەلىمىز. بۇل رەتتە ساياسي- ەكونوميكالىق ىنتىماقتاستىقتى نىعايتىپ، ءبىر- ءبىرىمىزدىڭ مۇمكىندىگىمىزدى ءتيىمدى پايدالانۋىمىز كەرەك.

24.kz