قازاقستاندىقتار رەسەيدەن قوسىلعان قۇن سالىعىنسىز قالاعانىنشا كولىك اكەلە الادى
ەسكە سالا كەتەيىك، جاڭا تارتىپتەر 2015-جىلى 1- قاڭتاردان باستاپ ەۋرازيا ەكونوميكالىق وداعى مەن كەدەن وداعىنىڭ تەحنيكالىق رەگلامەنتىنىڭ «دوڭگەلەكتى كولىك قۇرالىنىڭ قاۋىپسىزدىگى تۋرالى» كەلىسىم-شارتىمەن بىرگە ءبىر ۋاقىتتا كۇشىنە ەندى.
ق ر قارجى مينيسترلىگى مەملەكەتتىك كىرىس كوميتەتىنىڭ وكىلدەرىنىڭ ايتۋىنشا، قازىرگى ۋاقىتتا قانشا كولىكتى قوسىلعان قۇن سالىعىنسىز اكەلۋگە بولاتىنى جايلى جانە كاسىپكەرلىك پەن كاسىپكەرلىك ەمەس ماقساتتىڭ ناقتى قانداي ەرەكشەلىكتەرى بار ەكەنى زاڭنامادا كورسەتىلمەگەن.
ياعني زاڭدى تۇردە ءبىر ادام جۇزدەگەن اۆتوكولىككە دەيىن اكەلە الادى. «ءبىراق ەگەر بۇل اۆتوكولىكتەردىڭ ساتۋ ماقساتىندا اكەلىنگەنى بەلگىلى بولسا، سالىق تولەۋدەن جالتارۋدىڭ جازاسى قاتال بولادى»، - دەلىنگەن باسىلىمدا.
سالىق قىزمەتكەرلەرىنىڭ ايتۋىنشا، تاياۋ ۋاقىتتا جەكە تۇلعالاردىڭ قانشا كولىك اكەلۋىنە بولاتىنى جايلى جازىلعان اكتىلەر قابىلدانادى. ءبىراق قازىرگى ۋاقىتتا ەشقانداي دا شەكتەۋ جوق.
tengrinews.kz