كوشىپ كەلگەن قانداستارىمىزدى قۇشاق جايا قارسى الايىق - مەيرامبەك قيىقوۆ

  كوكشەتاۋ. قازاقپارات - «نۇر وتان» پارتياسىنىڭ اقمولا فيلالى ساياسي كەڭەسىنىڭ مۇشەسى مەيرامبەك قيىقوۆ قازاقپارات تىلشىسىنە بەرگەن سۇحباتىندا ۇكىمەتتىڭ كەڭەيتىلگەن وتىرىسىندا ەلباسىنىڭ «ءبىز ورالمانداردىڭ جاعدايىن جاساۋىمىز كەرەك» دەگەن سوزىنە بارىنشا قولداۋ ءبىلدىرۋ كەرەكتىگىن ايتتى.

«ىشكى كوشى- قون ماسەلەسى تۋرالى بۇرىن دا ايتىلعان. ادامداردى جۇمىس ورىندارى بار جەرلەرگە قاراي جىبەرۋ قاجەت. وڭتۇستىك وڭىرلەردە جۇمىس ورىندارى از، سوندىقتان ادامدار بۇل جاعدايدى دۇرىس تۇسىنۋلەرى ءتيىس. قۇدايعا شۇكىر، قازاقستان كەڭ- بايتاق. جۇمىس ورىندارى اشىلۋدا، اسىرەسە جاستار ءبىر جەردە وتىرا بەرمەي، ءار جەرگە بارىپ، جۇمىس ىستەپ، ەلىمىزدىڭ بولاشاعىن بىرگە جاساۋى كەرەك» دەگەن مەملەكەت باسشىسىنىڭ ءسوزى قۇپتارلىق ماسەلە. العاشقى ۇلى كوش سوناۋ 90- جىلدارى باستاۋ العانى دا تاريحتان بەلگىلى. سودان بەرى دە شيرەك عاسىر ۋاقىت ءوتتى. شەت ەلدەن ەلىم دەپ كەلگەن قانداستارىمىزدىڭ قازىرگى قال- احۋالى قالاي، ەندى كەلەتىن ورالماندار ماسەلەسى وڭ شەشىلدى مە، دەگەن ساۋال بۇگىندە ەشكىمدى بەي- جاي قالدىرماسا كەرەك» ، - دەدى مەيرامبەك قيىقوۆ.

«وزگە ەلدەن كەلىپ، جاڭا ورتاعا ءسىڭىسىپ كەتۋ، استە وڭاي ەمەس. كوشىپ كەلگەن قانداستارىمىزدى شەتتەتپەي، كەرىسىنشە باۋىرىمىزعا تارتايىق. ۇكىمەت تە ءارى قاراي ءوز قانداستارىمىزعا قامقورلىعىن اياماۋى ءتيىس. ەۋرازيالىق ەكونوميكالىق وداققا بىرىگىپ جاتىرمىز. قازاقتىڭ بولاشاق تاعدىرى دۇرىس قالىپتاسۋىنا ىقپال ەتەيىك» ، - دەپ ويىن قورىتتى مەيرامبەك قيىقوۆ.

 اۆتور: اسلان وسپانوۆ