شەكارا ارقىلى جۇكتەردى جىلدام وتكىزۋگە جاعداي جاسالادى
زاڭ جوباسى كەدەن وداعىنىڭ كەدەندىك شەكاراسى ارقىلى اۆتوموبيل وتكىزۋ پۋنكتتەرىندە اكىمشىلىك كەدەرگىلەردى جويۋ، باقىلاۋشى ورگانداردىڭ سانىن قىسقارتۋ، سونىمەن قاتار كەدەن وداعىنىڭ شەكاراسىنداعى وتكىزۋ پۋنكتتەرى ارقىلى جۇكتەردى وتكىزۋدى جەدەلدەتۋدى قاراستىرادى.
«بۇگىنگى كۇنى كەدەن ورگاندارىنا كولىكتىك جانە سانيتارلىق-ەپيدەميولوگيالىق باقىلاۋ تۇرلەرىن جۇرگىزۋ بويىنشا فۋنكتسيالار بەرىلگەن. ال جەنيەۆا كونۆەنتسياسىنا سايكەس، باقىلاۋدىڭ بارلىق تۇرلەرىن ۇيىمداستىرۋ كەدەن قىزمەتىمەن ۇيلەستىرىلەدى جانە ولاردىڭ ۋاكىلەتى بەرىلگەن جاعدايدا باقىلاۋ فۋنكتسيالارىن جۇرگىزەدى.
سوندىقتان دا، زاڭ جوباسىنا سايكەس اۆتوموبيل وتكىزۋ پۋنكتتەرىندە كەدەن ورگاندارىنا ۆەتەرينارلىق جانە فيتوسانيتارلىق باقىلاۋ بويىنشا قۇجاتتامالىق جانە فيزيكالىق باقىلاۋ جۇرگىزۋ فۋنكتسيالارى بەرىلەدى»، - دەيدى ق ر پرەمەر-ءمينيسترىنىڭ ورىنباسارى-قارجى ءمينيسترى باقىت سۇلتانوۆ.
ونىڭ ايتۋىنشا، قۇجاتتى قابىلداۋ شەكارا ارقىلى كولىك قۇرالدارىنىڭ ءوتۋ ۋاقىتىن 3-4 ساعاتقا دەيىن قىسقارتىپ، شەكاراداعى جەمقورلىقتىڭ تومەندەۋىنە جول اشادى. بۇدان بولەك، زاڭ جوباسى ەلىمىزدىڭ ىشىندەگى ۆەتەرينارلىق جانە فيتوسانيتارلىق باقىلاۋ جانە قاداعالاۋدى وڭتايلاندىرۋعا سەبەپ بولادى.
اۆتور: قانات مامەتقازى ۇلى