«ارسەلورميتتال تەمىرتاۋ» باسشىلىعى قاتاڭ جازالانۋى ءتيىس - ەكس-پرەمەر سەرىك احمەتوۆ

قازاقستاننىڭ بۇرىنعى پرەمەر-ءمينيسترى سەرىك احمەتوۆ 42 كەنشىنىڭ ءومىرىن قيعان كوستەنكو شاحتاسىندا بولعان قايعىلى جاعدايعا بايلانىستى پىكىر ءبىلدىردى، دەپ حابارلايدى Kazinform.

«مەنىڭشە، «ارسەلورميتتال تەمىرتاۋ» باسشىلىعى قاتاڭ جاۋاپقا تارتىلۋى ءتيىس. 10 جىلدا قانشاما وسىنداي قايعىلى جاعدايلار بولىپ، 140 تان استام كەنشىلەرىمىز بەن مىقتى ماماندارىمىز قۇربان بولدى، ولاردىڭ وتباسىلارى، قانشاما ادام زارداپ شەكتى. بۇل ۇلكەن جاۋاپكەرشىلىك. ەندەشە، «ارسەلورميتتال تەمىرتاۋ» جاۋاپقا تارتىلۋى كەرەك جانە تەك قازاقستاندا عانا ەمەس. ونى حالىقارالىق دەڭگەيدە جازالاۋ كەرەك. نەگە؟ ويتكەنى بۇل نەمقۇرايدىلىق، سالاقتىق قىلمىسقا پارا پار جانە ول ونەركاسىپتىك، تەحنيكالىق قاۋىپسىزدىككە مول قارجى ءبولىنىپ جاتقانىنا قاراماستان ۇزاق جىلدار بويى جالعاسىن تاۋىپ كەلدى»، - دەدى سەرىك احمەتوۆ.