اقمولا وبلىسىندا جەڭىل كولىك تۇيەگە سوعىلىپ، ءبىر ادام كوز جۇمدى

كوكشەتاۋ. KAZINFORM - اقمولا وبلىسىندا جولدىڭ ۇستىنە شىعىپ كەتكەن تۇيەنىڭ سالدارىنان جول-وقيعاسى ورىن الىپ، ءبىر ادام كوز جۇمدى.

اقمولا وبلىسى پ د باسپا ءسوز قىزمەتىنىڭ مالىمەتىنشە، قايعىلى جاعداي 24 -شىلدەدە «استانا- ەرەيمەنتاۋ- شىدەرتى» اۆتوجولىنىڭ 23 -شاقىرىمىندا بولعان.

«انىقتالعانداي، «Chevrolet Cobalt» اۆتوكولىگى جولدىڭ ۇستىندە تۇرعان تۇيەگە سوعىلدى. جول-كولىك وقيعاسى سالدارىنان تاكسي جولاۋشىسى - ساندىقتاۋ اۋدانىنىڭ 49 جاستاعى تۇرعىنى وقيعا ورنىندا قازا تاپتى»، - دەدى ۆەدومستۆودان.

پ د باسپا ءسوز قىزمەتىنەن اتاپ وتكەندەي، سەلينوگراد اۋداندىق پوليتسيا ءبولىمى بۇل دەرەكتى قىلمىستىق كودەكستىڭ 345-بابى 3-بولىگى بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىندە تىركەدى.

«سوت-مەديتسينالىق ساراپتاما تاعايىندالدى. تەرگەۋ امالدارى جۇرگىزىلىپ جاتىر. جانۋاردىڭ يەسى انىقتالعاننان كەيىن ول جاۋاپقا تارتىلادى»، - دەپ تولىقتىردى ۆەدومستۆودان.

ەسكە سالايىق، بۇدان بۇرىن اقمولا وبلىسىندا جۇك كولىگى جولدىڭ شەتىندە تۇرعان جەڭىل كولىككە سوعىلعانىن جازعان ەدىك.

اۆتور

اسلان وسپانوۆ