الماتىنى قار باستى: ءبىر تۇندە 52 جول اپاتى بولدى

الماتى. KAZINFORM - الماتىدا قولايسىز كۇن رايىنان ءبىر تۇندە 52 جول اپاتى بولدى. وسىعان بايلانىستى ءتارتىپ ساقشىلارى جۇرگىزۋشىلەر مەن جاياۋ جۇرگىنشىلەرگە ۇندەۋ جاسادى.

الماتى پوليتسياسى قالا جولدارىنداعى كولىك قوزعالىسى جاعدايىن تۇراقتاندىرۋ ءۇشىن قاجەتتى شارالاردى قولعا الدى.

«قوعامدىق ءتارتىپتى ساقتاۋعا جانە جول قاۋىپسىزدىگىن قامتاماسىز ەتۋگە 262 پاترۋلدىك اۆتوكولىكتە 611 پوليتسيا قىزمەتكەرى كەزەكشىلىك ەتۋدە. ساعات 20:00-دەن تاڭعى 06:00-گە دەيىنگى ارالىقتا جەدەل باسقارۋ ورتالىعىنا جول-كولىك وقيعاسى تۋرالى 52 قوڭىراۋ كەلىپ ءتۇستى، ونىڭ 18 ى زارداپ شەككەندەرمەن»، - دەدى، الماتى قالالىق پ د جەرگىلىكتى پوليتسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.

سوندىقتان جۇرگىزۋشىلەردى اسا ساق بولۋعا، جىلدامدىقتى شەكتەن اسىرماۋعا، تەجەگىش پەدالىن قاتتى باسپاۋعا، ەڭ باستىسى، باسقا جول قوزعالىسىنا قاتىسۋشىلاردى ورىندالاتىن مانيەۆر تۋرالى الدىن الا ەسكەرتۋگە شاقىردى.

وسىعان دەيىن قىسقى ماۋسىمدا جازعى دوڭعالاقپەن جۇرگەن جۇرگىزۋشىگە قانشا ايىپپۇل سالىناتىنى تۋرالى جازعان ەدىك.

اۆتور
الما مۇقانوۆا