الماتىداعى درون شوۋىنا قانشا ميلليون تەڭگە جۇمسالعانى بەلگىلى بولدى

استانا. قازاقپارات - الماتىدا رەسپۋبليكا كۇنىنە وراي ۇيىمداستىرىلعان دروندار شوۋىنا 68 ميلليون تەڭگە جۇمسالعانى ايتىلدى، - دەپ حابارلايدى ق ر مەملەكەتتىك ساتىپ الۋ پورتالى.

الماتى قالاسىنىڭ تۋريزم باسقارماسى 25-ماۋسىم كۇنى ۇسىنعان لوتتا دروندار شوۋىنىڭ ۇيىمداستىرىلۋىنا 71428571 تەڭگە بولىنگەنى كورسەتىلگەن. ال تەندەر جەڭىمپازى Unipersonal ج ش س بۇل قىزمەتكە 68 ميلليون تەڭگە جۇمسايتىنىن كورسەتكەن.

قالا تۇرعىندارى كۋا بولعانداي، 68 ميلليون تەڭگە جۇمسالعان 20 مينۋتتىق دروندار شوۋىنا 500-دەن استام كۆادروكوپتەر قاتىستى. 100 مەتر بيىكتىكتە ءتۇرلى پىشىنگە ەنگەن دروندار جەردەن انىق كورىنەتىندەي ەتىپ، 10 ۆاتتىق جارىق ديودتى فونارمەن جابدىقتالدى.