الماتىدا ساين-موڭكە بي كوشەسىندەگى جولايرىق شىلدە ايىندا اشىلادى
الماتى. KAZINFORM - ساين مەن موڭكە بي كوشەسىنىڭ قيىلىسىنداعى جولايىرىق شىلدە ايىنىڭ سوڭىندا قولدانىسقا بەرىلەدى.
الماتى اكىمى ەربولات دوسايەۆ الاتاۋ اۋدانىن ارالاۋ بارىسىندا جول ينفراقۇرىلىمىن دامىتۋ قارقىنىمەن تانىستى.
مەگاپوليس باسشىسىنا ساين مەن موڭكە بي كوشەلەرىنىڭ قيىلىسىندا جولايرىعىن سالۋ، سونداي-اق رىسقۇلوۆ داڭعىلىنان سالىنىپ جاتقان جولايرىعىنا دەيىن ساين كوشەسىن ۇزارتۋ جۇمىستارى تۋرالى باياندالدى.
ماسەلەن، بۇل «جوڭىشقا جاپىراعى» تيپتەس جولايىرىقتى ىسكە قوسۋ ۇلكەن الماتى اينالما اۆتوموبيل جولىندا (ءۇ ا ا ا ج) شىعۋ كەزىندە ەكى ۇلكەن ماگيسترالعا كولىك جۇكتەمەسىن ازايتۋعا مۇمكىندىك بەرەدى. جوبادا ۇزىندىعى 2,3 ك م تروتۋارلار مەن ۆەلوجولداردى ورناتۋ كوزدەلگەن.
بۇگىنگى كۇنى ينجەنەرلىك جەلىلەردى شىعارۋ، توننەل مەن رامپانى بەتونداۋ جۇرگىزىلدى، سەزدەردى ورناتۋ، جارىقتاندىرۋ، سەزدەردى اسفالتتاۋ جانە اباتتاندىرۋ جۇمىستارى اتقارىلىپ جاتىر. سونىمەن قاتار، ۇزىندىعى 3,2 ك م بولاتىن رىسقۇلوۆ داڭعىلىنان ساين كوشەسى بويىندا سالىنىپ جاتقان جولايرىعى باعىتىندا ۇزارتۋ جۇمىستارى جالعاسىپ جاتىر.
ب. مومىش ۇلى كوشەسىنەن كولىك جۇكتەمەسىن 0- عا تومەندەتىپ، رىسقۇلوۆ داڭعىلىنىڭ وڭتۇستىگىندە جانە موڭكە بي كوشەسىنىڭ سولتۇستىگىندە ساين كوشەسىنىڭ ۋچاسكەلەرىن قوسۋعا ارنالعان.
جولدى ءار باعىت بويىنشا تروتۋارلارمەن جانە ۆەلوسيپەد جولدارىمەن ءۇش جولاق سالۋ جوسپاردا. قازىرگى ۋاقىتتا 66 جەر ۋچاسكەسىنىڭ 65- ءى ساتىپ الىندى، ينجەنەرلىك جەلىلەردى قايتا قۇرۋ، جەر توسەمىنىڭ، تروتۋارلار مەن ۆەلوجولداردىڭ نەگىزىن سالۋ بويىنشا جۇمىستار جۇرگىزىلىپ جاتىر.
جوبانىڭ اياقتالۋى اعىمداعى جىلدىڭ سوڭىنا دەيىن جوسپارلانعان.
ەربولات دوسايەۆ نىساندارداعى جۇمىستاردى جەدەلدەتۋدى جانە شىلدە ايىنىڭ سوڭىندا جولايرىعىندا جول ءجۇرۋدى قامتاماسىز ەتۋدى تاپسىردى.
وسىعان دەيىن الماتىدا ەكى ءىرى جولايرىق قۇرىلىسى مەن ەكى كوشەنى ۇزارتۋ جۇمىستارى اياقتالاتىنى تۋرالى جازعان ەدىك.
اۆتور
الما مۇقانوۆا