الماتىدا ءبىرىڭعاي جۇيەگە 45 مىڭ كامەرا قوسىلدى
الماتى. KAZINFORM - الماتىدا «ءبىرىڭعاي بەينەمونيتورينگ جۇيەسى» جوباسىن جۇزەگە اسىرۋ جالعاسىپ جاتىر. قازىر 603 مەملەكەتتىك جانە 906 جەكە نىساندى ب ب ج قوسۋ جۇمىستارى جۇرگىزىلىپ جاتىر. بۇل تۋرالى قالانىڭ سيفرلاندىرۋ باسقارماسى مەن الماتى اكىمدىگىنىڭ جوبالىق كەڭسەسى ءمالىم ەتتى.
جوبانىڭ نەگىزگى مىندەتى - قالاداعى بارلىق بەينەباقىلاۋ كامەرالارىن ءبىر پلاتفورماعا بىرىكتىرىپ، ءتۇرلى تاپسىرمالارعا ارنالعان بەينەاعىنداردى كوپ مارتە پايدالانۋ جانە ناقتى ۋاقىت رەجيمىندە بەينە تالداۋ قالىپتاستىرۋ.
قازىر مەگاپوليستە 603 مەملەكەتتىك جانە 906 جەكە نىساندى ب ب ج-عا قوسۋ جۇمىستارى جۇرگىزىلىپ جاتىر.
ءبىرىڭعاي بەينەمونيتورينگ جۇيەسىنە 45 مىڭ بەينەكامەرا قوسىلعان.
وسى جىلدىڭ ەكىنشى توقساندا «سەرگەك» زياتكەرلىك قاۋىپسىزدىك جۇيەسىنىڭ قوسىمشا 300 اپپاراتتىق-باعدارلامالىق كەشەنى ورناتىلدى.
ايتا كەتەيىك، قالادا 9034 بەينەكامەرادان تۇراتىن 1641 «سەرگەك» كەشەنى جۇمىس ىستەپ تۇر.
وسىعان دەيىن الماتىنىڭ بەينەباقىلاۋ جۇيەلەرىنە ادامنىڭ بەت- الپەتىن تانۋ فۋنكتسياسى ەنگىزىلەتىنى تۋرالى جازعان ەدىك.
وسى جىلى بەت-الپەتتى تانۋ جۇيەسىنىڭ كومەگىمەن 9 قىلمىسكەر انىقتالىپ، ۇستالعان.
اۆتور
الما مۇقانوۆا