ا ي-95 بەنزيننىڭ قانشا كۇنگە جەتەتىن قورى بار

ەلىمىزدە ا ي-95 بەنزينىنىڭ 21 كۇنگە جەتكىلىكتى قورى بار. بۇل تۋرالى ەنەرگەتيكا مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«حالىق ءجيى تۇتىناتىن اي-92 بەنزينىنىڭ شەكتى باعاسى ليترىنە 205 تەڭگەدەن اسپايدى. ال اي-95 بەنزينىنە قاتىستى مەملەكەتتىك رەتتەۋ قولدانىلمايدى. سوعان وراي، باعا نارىقتاعى سۇرانىس پەن ۇسىنىس نەگىزىندە ايقىندالادى. بۇل رەتتە ەلىمىزدەگى اي-95 بەنزينىنىڭ جيىنتىق قورى (مۇناي بازالارى مەن مۇناي وڭدەۋ زاۋىتتارىنداعى، جولداعى جانە يمپورت) جەتكىلىكتى - 57 مىڭ توننا. بۇل ەلىمىزدىڭ 21 كۇندىك قاجەتتىلىگىن قامتاماسىز ەتەدى»، - دەپ اتاپ وتەدى مينيسترلىكتەن.

ۆەدومستۆو مالىمەتىنشە، اي-92 بەنزينىنىڭ قورى دا ەلىمىزدە جەتكىلىكتى. بەنزيننىڭ بۇل تۇرلەرى قور ۇستاۋشىلاردىڭ وتىنىمىنە جانە ءوندىرىس كولەمىنە بايلانىستى تولىقتىرىلىپ وتىرادى.