قىتايدا تۇراتىن قانداسىمىز سالماعى 8 كەلىگە جۋىق التىن تاۋىپ الدى - فوتو
10:06, 05 - اقپان 2015
استانا. قازاقپارات - ق ح ر التاي ايماعىنىڭ شىڭگىل اۋدانىندا تۇراتىن بەرىك ەسىمدى قانداسىمىز سالماعى 7.85 كەلى كەسەك التىن تاۋىپ الدى، دەپ حابارلايدى «قىتاي اقپارات».
دوسىمەن بىرگە التىن ىزدەۋگە شىققان بەرىك ەن دالادا ويلاماعان جەردەن ات باسىنداي كەسەك التىننىڭ ۇستىنەن تۇسەدى.
قانداسىمىزدىڭ ايتۋىنشا، التىندى جەر بەتىندە جىلتىراپ جاتقان جەرىنەن تاۋىپ العان. ونىڭ ديامەتىرى 23 س م، ەنى 18 س م، ەڭ قالىڭ جەرى 8 سانتيمەتر بولعان. «تابيعاتتىڭ شەبەر قولى بەدەر سالىپ، ورنەكتەگەن ساف التىننىڭ بەتى كۇن ساۋلەسىمەن الاۋلانىپ، كوزدىڭ جاۋىن الاتىنداي جارقىرايدى»، - دەيدى التىندى كورگەن كورشىلەرى.
الەمدە بۇنداي كەسەك التىندار ءجيى ۇشىراسا بەرمەيدى، التىن كەندەرىنىڭ وزىندە دە تىم سيرەك كەزدەسەتىن كورىنەدى.
باقىتجول كاكەش