اتا-انالاردىڭ 83 پايىزى ءوز بالالارىنىڭ عىلىم تۋرالى سۇراقتارىنا جاۋاپ قايتارا المايدى
ساۋالنامانى ينجەنەرلىك تەحنولوگيالار ينستيتۋتى جۇرگىزدى، دەپ حابارلادى «ۆەكا» باسىلىمى.
ۇلى بريتانيا ماماندارىنىڭ ساۋالنامالارىنا 1002 ادام قاتىسقان. ولاردىڭ ءبارى دە - اتا-انالار. ولار نەگىزىنەن وزدەرىنىڭ ءتورت جاستان 12 جاسقا دەيىنگى بالالارىن تاربيەلەۋگە قاتىستى سۇراقتارعا جاۋاپ بەردى. ونىڭ ناتيجەسىندە سۇرالعانداردىڭ ۇشتەن ەكىسىن بالالار ماتەماتيكا، زاماناۋي تەحنولوگيالار نەمەسە ينجەنەريا سالالارىنداعى سۇراقتارىمەن ىڭعايسىز جاعدايعا قالدىرعان.
61 پايىز اتا-انا بالالاردىڭ سۇراقتارىنا جاۋاپسىز قارايدى. ولار قيىن سۇراقتاردان قاشقالاقتايدى نەمەسە، وتباسىنىڭ باسقا مۇشەسىنەن بىلۋگە جىبەرەدى. ولار دا ويلارىنا نە كەلسە، سونى ايتا سالادى.
ەرەسەكتەردىڭ 59 پايىزى بالالار زاماناۋي تەحنولوگيالار جونىنەن كوبىرەك بىلەتىنىن مالىمدەگەن.
ينجەنەرلىك تەحنولوگيالار ينستيتۋتىنىڭ باسشىسى ناومي كليمەردىڭ ايتۋىنشا، زەرتتەۋ اتا-انالاردىڭ ءوز بالالارىنىڭ سۇراقتارىنا ناشار دايارلانعانىن اتاپ كورسەتتى. سوندىقتان دا تۆيتتەردىڭ ميكروبلوگىندا AskTheEngineers، تەگىندە اتا-انالار ءۇشىن قاجەتتى جاۋاپتاردى الۋعا بولاتىن سەرۆيس قۇرۋ تۋرالى شەشىم قابىلداندى.
پسيحولوگتاردىڭ ايتۋىنشا، بالالارمەن تۇسىنىكتى تىلدە سويلەسۋ قاجەت. بالالار ءۇشىن ارنايى شىعارىلعان ەنتسيكلوپەديالاردى ۇيدە ۇستاۋ دا ءبىراز ماسەلەلەردى شەشەدى.