قىتايدان كەلگەن كەرۋەندى تاراز ماڭىندا 700 دەن اسا ادام قارسى العان- فوتو
ەسكە سالا كەتەيىك، 2014-جىلعى قىركۇيەكتە شياننان ەجەلگى ساۋدا جولىمەن «قىتاي - قازاقستان: ۇلى جىبەك جولىنىڭ شاي مادەنيەتى» دوستىق جانە ىنتىماقتاستىق كەرۋەنى جىبەك جولىنىڭ ەكونوميكالىق بەلدەۋىن قۇرۋ يدەياسىن قولداۋ ماقساتىندا جولعا شىققان بولاتىن.
كەرۋەن شانشي پروۆينتسياسىندا وسىرىلەتىن فۋتسا ەمدىك ديان تاقتاشايىن اكەلە جاتىر جانە تارازعا قازاق مەملەكەتتىلىگىنىڭ 550 جىلدىق مەرەيتويىن مەرەكەلەۋ باستالۋىنا جەتۋى ءتيىس.
جامبىل وبلىسى اكىمدىگىنىڭ باسپا ءسوز قىزمەتىنەن حابارلاعانداي، كەرۋەندى جامبىل وبلىسىنداعى قازاقستان حالقى اسسامبلەياسىنىڭ وكىلدەرى، بايزاق، جامبىل، رىسقۇلوۆ اۋداندارى مەن تاراز قالاسىنداعى ەتنومادەني بىرلەستىكتەردىڭ وكىلدەرى قارسى العان.
بايزاق اۋدانىنىڭ م. شۇكەيەۆ ءداستۇر بويىنشا كەرۋەندى باسقارىپ كەلگەن دجو دە شەنگۋدىڭ يىعىنا التىن جىپتەردەن تىگىلگەن شاپان جاپتى. «جاڭا جىبەك جولى» حالىقارالىق اكادەمياسى» ق ق پرەزيدەنتى، «قازاقستان دۇنگەندەرى قاۋىمداستىعى» ەتنومادەني بىرلەستىگىن باسقاراتىن حۋسەي داۋروۆ پەن جامبىل وبلىسى ق ح ا سەكرەتارياتىنىڭ مەڭگەرۋشىسى لاريسا لىسوۆا قۇتتىقتاۋ ءسوز سويلەپ، ءوز سوزدەرىنە قازاقستان مەن قىتاي اراسىنداعى دوستىق قارىم-قاتىناستى ايتىپ ءوتتى.
«شيان-تاراز» دوستىق جانە ىنتىماقتاستىق كەرۋەنى 5 مىڭ شاقىرىم جول ءجۇرىپ، جامبىل جەرىنە جەتتى. كەرۋەن قۇرامىندا 55 تۇيە بار، بۇل قازاق حاندىعى قۇرىلۋىنىڭ 550 جىلدىعىن بەينەلەيدى. سونىمەن بىرگە 20 وتە ادەمى اتتار بار. جۇزدەن استام كەرۋەنشىلەر تاڭ اۋلەتى داۋىرىندەگى كيىمدەر كيىپ، كۇزەتشىلەرى ەرتەدەگى ۇزىن ساپتى نايزالارمەن قارۋلانعان»، - دەدى ءوز سوزىندە ح. داۋروۆ.
ءۇشبۇلاق اۋىلىنداعى «TauDos» ساۋىقتىرۋ كەشەنىندە كەرۋەندى قوناقجايلىلىقپەن قارسى الدى. قوناقتارعا قازاقتىڭ ۇلتتىق تاعامدارى ۇسىنىلدى، كونسەرتتىك باعدارلاما قويىلىپ، ۇلتتىق ويىندار كورسەتىلدى. شاراعا 700 دەن استام جامبىل وبلىسىنىڭ تۇرعىندارى قاتىسقان.
كەرۋەن 5- قازان كۇنى قازاق حاندىعىنىڭ 550 جىلدىعىن تويلاۋعا تاراز قالاسىنا كەلەدى. 6- قازاندا تارازدىڭ باتىسىنداعى «تورتكۇل» كەرۋەن-سارايىنان تۇڭعىش پرەزيدەنت ساياباعىنا دەيىن بەيبىت تۇرعىنداردىڭ شەرۋى بولادى. سونداي-اق تارازدا «شاي ءۇيى» اشىلادى.
قاشىقتىعى 5 مىڭ شاقىرىمنان اساتىن ساياحاتتى ۇيىمداستىرۋعا قازاقستاننىڭ دۇنگەن قاۋىمداستىعى مەن «ي زە فۋتسا» كومپانياسى (شيان، قىتاي) باستاماشى بولدى حالىقارالىق ەكسپەديتسيانىڭ قازاقستاندىق بولىگىنىڭ باس وپەراتورى الماتى وبلىسى كاسىپكەرلەر پالاتاسى مەن «جاڭا جىبەك جولى» مادەني جانە ەكونوميكالىق ىنتىماقتاستىق حالىقارالىق اكادەمياسى» و ف. شارا ۇيىمداستىرۋشىلارى - شيان قالاسىنىڭ اكىمشىلىگى، الماتى جانە جامبىل وبلىستارىنىڭ، الماتى قالاسىنىڭ اكىمدىكتەرى.