بەيجىڭدە تۇڭعىش رەت ءتول سپورتىمىز توعىزقۇمالاقتان قازاق حاندىعىنىڭ 550 جىلدىعىنا ارنالعان جارىس ءوتتى - فوتو
وسى ەلدەگى قازاقستان ەلشىلىگى جانە بەيجىڭ مۇراجايى بىرلەسە وتىرىپ، قازاق حاندىعىنىڭ 550 جىلدىعىنا ارنالعان جەرگىلىكتى جەردەگى ۇلتتىق مۇرانىڭ جانكۇيەرلەرىنە ارناپ جارىس وتكىزدى.
بۇل تۋرالى دۇنيەجۇزىلىك توعىزقۇمالاق فەدەراتسياسىنىڭ باسپا ءسوز ورتالىعى حابارلادى.
اتالعان ءىس-شارانىڭ اشىلۋ سالتاناتىندا دۇنيەجۇزىلىك توعىزقۇمالاق فەدەراتسياسىنىڭ پرەزيدەنتى ءاليحان بايمەنوۆ بۇل جارىستىڭ ماڭىزدىلىعىنا توقتالىپ، ق ح ر- داعى قازاقستان ەلشىلىگى مەن بەيجىڭ مۇراجايىنىڭ باسشىلىعىنا العىسىن ءبىلدىردى.
جارىسقا 150 دەن استام سپورتشى قاتىستى. قازاقستاننان بارعان باس جاتتىقتىرۋشى اينۇر جاقاپبايەۆا مەن ۇرىمجىدەگى توعىزقۇمالاق قاۋىمداستىعىنىڭ ديرەكتورى شىنار قاپان قاتىسۋشىلارعا تورەشىلىك ەتىپ، باسەكەنىڭ جوعارى دەڭگەيدە وتۋلەرىنە ءوز ۇلەستەرىن قوستى.
ال 6- جەلتوقسان كۇنى قازاقستاننان بارعان ماماندار بەيجىڭدەگى ۇلتتىق ۋنيۆەرسيتەتتە ستۋدەنتتەرگە ءتول سپورتىمىز توعىزقۇمالاق تۋرالى كەڭىنەن تانىستىرىپ، ءادىس تاسىلدەرى مەن ويناۋ جولدارىن ءتۇسىندىرىپ، ءوزارا تاجىريبەلەرىمەن ءبولىستى.
اتاپ وتەر جايت، قازاقتىڭ ۇلتتىق ويىنى توعىزقۇمالاق جارىسىن شەتەلدەگى قازاق ەلشىلىكتەرى اراسىندا ق ح ر- عى قازاقستان ەلشىلىگى باستاماشى بولىپ، تۇڭعىش رەت وتكىزىپ وتىر.
كۇنسۇلتان وتارباي