تارازدا قازاق حاندىعىنىڭ 550 جىلدىعىنا ارنالعان «ماڭگىلىك ەل» حالىقارالىق اقىندار ايتىسى ءوتىپ جاتىر
قازاقستان، قىتاي جانە موڭعوليانىڭ 26 ۇزدىك سۋىرىپ سالما اقىنى جىر دوداسىنا ءتۇستى.
«ماڭگىلىك ەل» حالىقارالىق اقىندار ايتىسى ەكى كەزەڭنەن تۇرادى - ىرىكتەۋ كەزەڭى مەن فينال. ونى مۇقاعالي ماقاتايەۆ اتىنداعى سىيلىقتىڭ يەگەرى، حالىقارالىق اقىندار وداعىنىڭ ءتوراعاسى، جىرشى-تەرمەشى ءجۇرسىن ەرمان جۇرگىزۋدە.
ايتىسقا بەلگىلى قازاقستاندىق اقىندار اينۇر تۇرسىنبايەۆا، رينات زايىتوۆ، ايبەك قاليەۆ، بەكارىس شويبەكوۆ، التىنكۇل قاسىمبەكوۆا قاتىسۋدا. ولارمەن بىرگە جامبىلدىق جاس اقىندار قانات مىرزاحان، دارحان ءابدىمانات پەن نۇرلىبەك قۇرمانوۆ مۇمكىندىكتەرىن سىناعالى تۇر.
ىشكى ساياسات باسقارماسىندا شارانىڭ باستى ماقساتى - وسكەلەڭ ۇرپاق اراسىندا مادەني مۇرانى ناسيحاتتاۋ، حالىق شىعارماشىلىعى مەن جاس اقىنداردى قولداۋ، حالىقتىڭ تاريحي جولىنا وي جۇگىرتۋ، ۇلى دالانىڭ تاريحي دامۋىنىڭ جاڭا پاراقتارىن اشۋ ەكەنىن اتاپ ءوتتى.
شارا «نۇر وتان» پارتياسىنىڭ قولداۋىمەن «ماڭگىلىك ەل» جالپىۇلتتىق يدەياسىن ناسيحاتتاۋ اياسىندا ءوتىپ جاتىر.