ورالماندار قازاقستان حالقىنىڭ 5,5 پايىزىن قۇراپ وتىر
بۇگىن ماجىلىستە كوشى-قون ۇدەرىستەرىنە ارنالعان دوڭگەلەك ۇستەل بارىسىندا ۇلتتىق ەكونوميكا ۆيتسە-ءمينيسترى ءمادينا ءابىلقاسىموۆا وسىلاي مالىمدەدى.
«ەتنيكالىق قازاقتاردى ەلىمىزگە تارتۋ ساياساتى سوڭعى جىلدارى دەموگرافيالىق جاعدايىمىزدى جاقسارتا ءتۇستى. ءبىز 2011 - جىلعا دەيىن وسى باعىتتاعى كوشى-قوننىڭ وڭ سالدوسىن بايقاعان بولاتىنبىز.
سوڭعى 2 جىلدا تەرىس سالدو ورىن الا باستادى. 1991 - جىلدان 2014 - جىلدىڭ 1 - قازانىنا دەيىنگى ارالىقتا تاريحي وتانىنا ورالىپ، ورالمان مارتەبەسىن العان ەتنيكالىق قازاق وتباسىلارىنىڭ سانى 258 مىڭ 786 نى قۇرادى. ياعني، تاۋەلسىزدىكتەن بەرى قازاقستانعا كەلگەن ورالماندار سانى 952 مىڭ 104 ادامعا جەتتى جانە بۇگىن ولار رەسپۋبليكا حالقىنىڭ 5,5 پايىزىن قۇراپ وتىر»، - دەدى ۆيتسە-مينيستر.
ونىڭ ايتۋىنشا، ەلىمىزدە ەمميگراتسيالىق ۇدەرىس ديناميكاسى دا باياۋلاعان. ماسەلەن، 2008 - جىلعى كورسەتكىشپەن سالىستىرعاندا 2013 - جىلى قازاقستاننان كەتكەن ادام سانى ەكى ەسەگە قىسقارعان.
«سونىمەن ءبىر مەزگىلدە، شەتەلدەن تارتىلاتىن جۇمىس كۇشىنىڭ سانى دا ارتىپ وتىر. ەگەر 2013 - جىلى شەتەلدىك جۇمىس كۇشى 23 مىڭ ادامدى قۇراسا، قازىرگى 1 - قازانداعى جاعدايدىڭ وزىندە ولاردىڭ سانى 30 مىڭ ادامعا جەتتى. ەلىمىزگە كەلەتىن ەڭبەك ميگرانتتارىنىڭ نەگىزگى ۇلەسى قىتاي، تۇركيا، ۋكراينا، وزبەكستان مەن ءۇندىستانعا ءتيىپ وتىر»، - دەدى م. ءابىلقاسىموۆا.
اۆتور: قانات مامەتقازى ۇلى