الەمنىڭ 40 تان استام ەلى ە ا ە و- مەن ەركىن ساۋدا ايماعىن قۇرۋعا قىزىعۋشىلىق تانىتىپ وتىر - ق. توقايەۆ - فوتو
بۇل فەدەراتسيا كەڭەسىنىڭ پلەنارلىق وتىرىسىنا قازاقستاندىق قاسىم-جومارت توقايەۆتىڭ ءبىرىنشى رەت قاتىسۋى. سونداي-اق فەدەراتسيا كەڭەسىنىڭ وتىرىسىندا شەتەل سپيكەرلەرىنىڭ ەكىنشى رەت ءسوز سويلەۋى.
ق. توقايەۆ كورشىلەس حالىق پەن مەملەكەتتەردى تاتۋ كورشىلىك پەن دوستىق نىق بىرىكتىرىپ وتىرعاندىعىن اتاپ ءوتتى. سونىڭ نەگىزىندە گەوگرافيالىق جاقىندىق، وزەكتى حالىقارالىق پروبلەمالاردى شەشۋدە ۇقساس ءتاسىل قالىپتاسىپ، ەكى ەل دامۋىنىڭ كەلەشەگى ايقىندالا ءتۇستى.
ول ەكى ەلدىڭ ۇكىمەتتەرى مەن پارلامەنتتەرى كۇشتەرىمەن ەكىجاقتى قاتىناستاردىڭ بەرىك شارتتىق-قۇقىقتىق بازاسى قۇرىلعانىن اتاپ ءوتتى. 170 شارتقا قول قويىلدى. مۇندا 2013-جىلدىڭ سوڭىندا پرەزيدەنتتەر قول قويعان XXI عاسىرداعى تاتۋ كورشىلىك پەن وداقتاستىق تۋرالى شارت نەگىزگى قۇجات بولىپ تابىلادى. ول ەۋرازيالىق كەڭىستىكتە قازاقستان مەن رەسەي اراسىنداعى ستراتەگيالىق ءوزارا ءىس-قيمىل قاعيداتتارىن قامتيدى.
ق. توقايەۆ قازاقستاندىق- رەسەيلىك قاتىناستاردىڭ ماڭىزدى باعىتى رەتىندە ءوڭىرارالىق جانە شەكارالىق ىنتىماقتاستىقتى اتاپ ءوتتى، ول 200 دەن استام كەلىسىمنىڭ نەگىزىندە جۇزەگە اسىرىلادى جانە پ ا ا، ت م د، ۇ ق ش ۇ پ ا، پارلامەنتارالىق وداق اياسىندا جانە ەكىجاقتى نەگىزدە جۇزەگە اسىرىلاتىن پارلامەنتارالىق بايلانىستار - قازاقستاندىق- رەسەيلىك ساياسي ىنتىماقتاستىقتىڭ اجىراماس بولىگى.
«قازاقستان مەن رەسەيدىڭ پارلامەنتاريىنىڭ بىرلەسكەن جۇمىسىنا باسا ءمان بەرەمىز. قازاقستان پارلامەنتىندە ت م د پارلامەنتارالىق اسسامبلەيانىڭ مودەلدىك زاڭنامالىق اكتىلەرىن تالقىلاۋ جانە بەلسەندى پايدالانۋ ءۇردىسى قالىپتاستى»، - دەدى ول. - وسىعان بايلانىستى ت م د پ ا ا- عا ۆالەنتينا ماتۆيەنكونىڭ ءتيىمدى باسشىلىعىن ەرەكشە اتاپ وتكىم كەلەدى».
ق. توقايەۆ رەسەي مەن قازاقستان ە ا ە و اياسىندا ءوزارا ارىپتەستەر بولىپ تابىلاتىنىنا توقتالدى.
«ە ا ە و كەلەشەگى زور، مۇنى الەمنىڭ 40 تان استام ەلى ونىمەن ەركىن ساۋدا ايماعىن قۇرۋعا مۇددەلى بولۋىنان كورۋگە بولادى. قازاقستان پرەزيدەنتىنىڭ پىكىرىنشە، ە ا ە و قۇرۋ - جاڭا زاماننىڭ جاھاندىق سىن- قاتەرلەرىنە، ونىڭ ىشىندە الەمدىك ەكونوميكالىق داعدارىس قاۋپىنە لايىقتى جاۋاپ»، - دەدى ق ر سەنات ءتوراعاسى.