سەمەيدە بيىل 30 جاڭا اۆتوبۋس ساتىپ الىنادى
08:10, 18 - قازان 2022
سەمەي. قازاقپارات - سەمەي قالاسىندا جىل سوڭىنا دەيىن 30 جاڭا اۆتوبۋس ساتىپ الىنادى، دەپ حابارلايدى قازاقپارات ءتىلشىسى.
قالا اكىمدىگى باسپا ءسوز قىزمەتىنىڭ مالىمەتىنە سۇيەنسەك، جىل سوڭىنا دەيىن سەمەيدەگى اۆتوپاركتەر جاڭا اۆتوبۋستارمەن تولىعادى.
«قوسىمشا 30 اۆتوبۋس ساتىپ الىپ، شاھار بويىنشا قاتىنايتىن قوعامدىق كولىك سانىن كوبەيتۋ جوسپارلانعان. تاسىمالداۋشىلار كەلەسى جىلدىڭ باسىندا تاعى جاڭا اۆتوبۋستار الۋعا نيەتتى. بۇل شارا مارشرۋتتىق اۆتوبۋستاردىڭ قوزعالىس جيىلىگىن ارتتىرۋعا جانە قالاداعى قوعامدىق كولىككە قاتىستى ماسەلەلەردى ءىشىنارا شەشۋگە مۇمكىندىك بەرەدى»، - دەلىنگەن اقپاراتتا.
سونداي-اق قالا اكىمى نۇربول نۇرساعاتوۆ «Daewoo Bus Kazakhstan» اتتى اۆتوبۋستاردى شىعاراتىن زاۋىتقا باردى. وسى ساپار بارىسىندا قالالىق اۆتوپاركتى تولىقتىرۋ ماسەلەسى تالقىلاندى.