وسكەمەندەگى اۆتوبۋستاردىڭ جارتىسىنا جۋىعى 30 جىل بۇرىن شىعارىلعان

وسكەمەن. قازاقپارات - وسكەمەن قالاسىنداعى اۆتوبۋستاردىڭ جارتىسى 10-30 جىل بۇرىن شىعارىلعان، دەپ حابارلايدى قازاقپارات ءتىلشىسى.

قالا اكىمدىگىنىڭ مالىمەتىنە سۇيەنسەك، وسكەمەندە قوعامدىق كولىكتەردى جاڭارتۋ ماقساتىندا ارنايى باعدارلاما جۇزەگە اسىرىلۋدا.

«2021 -جىلدان باستان 52 جاڭا اۆتوبۋس الىنىپ، شاھار ىشىندەگى باعىتتاردا قاتىناۋدا. جىل سوڭىنا دەيىن تاعى 29 اۆتوبۋس جانە 4 ترامۆاي ساتىپ الىنادى»، - دەلىنگەن حابارلامادا.

بۇدان بولەك، 2023 -جىلى تاسىمالداۋشى كومپانيالار تاعى 74 اۆتوبۋس ساتىپ الۋدى جوسپارلاپ وتىر.

قازىرگى تاڭدا قالاداعى اۆتوبۋستاردىڭ جارتىسى 10-30 جىل بۇرىن شىعارىلعان. ال قالعان جارتىسىنىڭ جەرگىلىكتى باعىتتاردا جولاۋشى تاسىمالداپ جۇرگەنىنە 10 جىلعا جەتپەگەن.